COVID-19, sot Kosova do të marrë dozat e para të vaksinave, COVAX do të çojë dërgesën me AstraZeneca

Drejtori i Organizatës Botërore të Shëndetësisë (OBSH) për Evropë, Hans Kluge ka konfirmuar  se sot do të vijnë vaksinat e para kundër Covid-19 në Kosovë.

Kluge përmes një postimi në Twitter, shkruan se ditën e sotme do të mbërrijnë  vaksinat e parë në Kosovë duke iu përgjigjur një komentuesi.

Lajmi është konfirmuar sot edhe në një njoftim të zyrës së kryeministrit, Albin Kurti, ku theksohet se ora e mbërritjes së tyre do të jetë në 20:15 në aeroportin Adem Jashari. Megjithatë nuk bëhët e ditur sasia e dozave që do të arrijnë, edhe pse ish-kryeministri i Kosovës, Avdullah Hoti kishte deklaruar se në mars do të arrinin 33 000 doza. 

Vaksina e para që do të vijnë në Kosovës janë  AstraZenecas, të cilat  janë siguruar nëpërmjet mekanizmit COVAX, platformë nëpërmjet të cilës vendi ka porositur 100.800 doza. 

Kosova është i vetmi vend në Evropë, që nuk kishte marrrë vaksina kundër Covid-19, ndërkohë që Shqipëria i ka ardhur në ndihmë, ku i ka premtuar që do të vaksinojë të gjithë mjekët dhe infermierët, të cilët në total janë 11 mijë.

Postimi i Hans Kluge

//Shqiptarja.com

TAG:
• kosove
• Koronavirus
• Vaksina Covid