COVID-19/ Taulant Balla merr dozën e parë të vaksinës AstraZeneca

Kryetari i Grupit Parlamentar të Partisë Socialiste Taulant Balla ka marë sot dozën e parë të vaksinës anti COVID-19.

Balla u paraqit sot në një nga qendrat e vaksinimit në Elbasan dhe u vaksinua me vaksinën AstraZeneca. Përmes një postimi në rrjete sociale Balla u bën thirrje të gjithëve atyre që janë +18 vjeç, të shkojnë në pikën më të afërt të vaksinimit, me kartën e identitetit, pas aplikimit në E - Albania, për t’u vaksinuar e mbrojtur.

"Qendra e Vaksinimit Elbasan - Falë vendimit të Ministrisë së Shëndetësisë, sot dhe nesër janë Ditët e Hapura të Vaksinimit. U paraqita dhe unë në një nga qendrat e vaksinimit në Elbasan dhe u vaksinova me vaksinën Astra Zeneca. Nëse jeni +18 vjeç, shkoni sot dhe nesër në pikën më të afërt të vaksinimit, me kartën e identitetit, pas aplikimit në E - Albania, për t’u vaksinuar e mbrojtur nga #Covid19", shkruan Balla.

LEXO EDHE:
Poeti arbëresh që ruajti traditat flet shqip në Përrenjas: Nuk mjafton një jetë për nostalgjitë e mëdha

Qendrat e vaksinimit janë të hapura nga ora 08:00-20:00

Lajmi kryesor:

Dy ditë të hapura për vaksinimin anti-COVID për qytetarët mbi 18 vjeç! Të rinjtë: Ndihemi më të mbrojtur dhe mund të udhëtojmë lirisht

TAG:
• Elbasan
• taulant balla
• Vaksina Covid
• vaksinat ne shqiperi
• vaksinimi masiv