Zgjedhjet parlamentare në Maqedoninë e Veriut, për të cilat ende nuk është caktuar data, do të mbahen në bazë të një protokolli të hartuar nga Komisioni i Sëmundjeve Infektive, që parasheh kritere të rrepta, si për fushatën zgjedhore, ashtu edhe për ditën e zgjedhjeve.
Ministri i Shëndetësisë, Venko Filipçe tha se qytetarët të drejtën e votës do ta realizojnë me maska mbrojtëse, dezinfektim të duarve dhe mbajtje të distancës prej dy metrave.
“Në ditën e zgjedhjeve, anëtarët e këshillave votues, vëzhguesit e partive politike dhe të organizatave joqeveritare duhet të mbajnë maska, të përdorin mjete dezinfektuese si dhe të ajrosin hapësirat ku zhvillohen votimet… këto masa merren për faktin se në këto ambiente vështirë se do të ketë mundësi për distancë fizike...e njëjta vlen edhe për votuesit, të cilët gjithashtu në kushtet e përcaktuara do të realizojnë të drejtën e votimit”, ka deklaruar Ministri i Shëndetësisë.
Ai ka theksuar se komisioni ka paraparë mundësinë që zgjedhjet të mund të zgjasin deri në orën 21:00, apo dy orë shtesë nga afati i paraparë deri në 19:00 nëse KSHZ-ja dhe institucionet tjera vlerësojnë se ka nevojë për një gjë të tillë.
Ministri Filipçe tha se partitë do të mund të bëjnë organizime gjithashtu nën kritere të posaçme, me sa më pak njerëz dhe në distancë fizike.
Ai tha se protokolli është miratuar pasi gjendja ka nisur të normalizohet, por raporti ditor i Ministrisë së Shëndetësisë ka bërë të ditur rritje të numrit të të infektuarve.
Në 24 orët e fundit janë regjistruar 29 raste të reja, që paraqet rritjen më të madhe nga 9 maji, kur ishin regjistruar 36 të infektuar.
Sipas raportit të Ministrisë së Shëndetësisë, 9 persona janë infektuar në Shkup, 6 në Prilep, 5 në Tetovë, nga 2 në Ohër, Strugë, Veles dhe Manastir si dhe 1 person në Kumanovë.
Të dhënat kanë dalë nga 394 teste që janë kryer nga Instituti i Shëndetit Publik institucionet tjera shëndetësore.
Deri më tani në Maqedoninë e Veriut janë kryer 20,088 teste.
Nga gjithsej 1,723 të infektuar, 1,235 janë shëruar, 95 kanë vdekur ndërsa 393 janë shëruar.
Lajme të tjera
-
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Shaban Murati: Çfarë populli jemi?
12 Dhjetor, 16:07
-
Elezi në Report TV: Rusia qëllime për destabilitet nëpërmjet Serbisë! Vendimi për shtyrje i Kushtetueses në Maqedoni për Gjuhën Shqipe, i duhuri
11 Dhjetor, 19:56 -
Ambasadorja amerikane paralajmëron sërish zgjerimin e listës së zezë në Maqedoninë e Veriut
10 Dhjetor, 15:55 -
SHBA e shpalli ‘non grata’, reagon Artan Grubi: Jetën publike ia kam kushtuar vlerave perëndimore dhe vendit, angazhim për ta zbardhur çështjen
9 Dhjetor, 22:11 -
Ish-zëvendëskryeministri i Maqedonisë së Veriut, Artan Grubi, shpallet 'Non Grata" nga SHBA
9 Dhjetor, 20:52 -
Maqedoni e Veriut/ Gjykata Kushtetuese do të shqyrtojë Ligjin për gjuhët më 11 dhjetor
6 Dhjetor, 17:52 -
Sfida e ‘superman’ në Tik Tok iu rrezikon jetën, 11 gjimnazistë në spital në Maqedoninë e Veriut
6 Dhjetor, 08:00 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Arbër Çeliku: Midis statusit juridik dhe interpretimit politik të përdorimit zyrtar të gjuhës shqipe në Maqedoninë e Veriut
29 Nëntor, 11:02
-
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Kimete Berisha: Me Mickovskin kundër gjuhës shqipe
20 Nëntor, 11:20
