Covid-Britania e Madhe, regjistrohen 210 viktima në harkun e 24 orëve nga infeksioni i koronavirusit

Numri i të vdekurve nga koronavirusi i ri në Britaninë e Madhe është rritur në 32.065, me një rritje prej 210 në 24 orët e fundit.

Sipas të dhënave të publikuara në rrjetet sociale të Ministrisë së Shëndetësisë së vendit, në 24 orët e fundit në vend janë shënuar 210 vdekje, duke e çuar numrin në 32.065.

Me 100.490 teste në 24 orët e kaluara, numri i testeve në Britani ka arritur në 1.921.770, kurse deri në tani janë konfirmuar 223.060 raste me COVID-19, me një rritje prej 3.877.

Në një konferencë për media në Londër, Johnson shpalli disa prej masave që do të lehtësohen, duke filluar nga sot.

Nga e hëna, britanikët që nuk mund të punojnë nga shtëpia, do të inkurajohen të shkojnë në punë, tha ai.

Ndërsa, nga dita e mërkurë, njerëzit do të lejohen të bëjnë ushtrime në natyrë, për sa kohë që ata i përmbahen udhëzimeve për distancim fizik.

Lajmi kryesor:

Covid-19, ulet numri i viktimave nga koronavirusi në Itali! Europa në kërkim të rikthimit në normalitet...Edhe SHBA regjistrojnë më pak vdekje

TAG:
• SHBA
• itali
• spanje
• Britania e Madhe
• New York
• Steven Mnuchin
• Koronavirus
• covid