Covid-Francë/ Marsejë dhe Bordo kufizojnë aktivitetet publike

Franca, pas disa ditësh me 10 mijë raste të reja infeksioni, prej dy ditësh po raporton shifra në rënie…por dy prej qyteteve më të mëdha franceze, Marsejë dhe Bordo, ku koronavirusi po përhapet me ritme tejet të shpejta, kanë kufizuar aktivitetet publike, ndërsa qeveria po përpiqet me çdo kusht të shmangë një izolim të ri kombëtar.

Në Marsejë, ku kapaciteti në terapitë intensive është drejt ezaurimit mes rritjes së shpejtë të rasteve me koronavirus, autoritetet ndalojnë klientët të qëndrojnë në këmbë në bare, apo të konsumojnë alkool në publik.

Grumbullimet me mbi 10 persona nuk do të jenë më të lejueshme në parqet dhe plazhet e qytetit dhe çdo event me më shumë se 1 mijë pjesëmarrës do të anulohet.

Një kufizim i tillë prek vendet të tilla si stadiume, sallat koncertesh, e gjithashtu demonstrata e panaire.

Në Bordo, prania e shtuar policore do të garantojë respektimin e masave të ngjashme.

Lajmi kryesor:

9 viktima dhe 1229 raste Covid në Itali! Dyfishohen çdo dy javë rastet e infeksionit në Francë…Regjistrohen 925 mijë vdekje nga koronavirusi në botë

TAG:
• SHBA
• Brazil
• Meksike
• pandemi
• covid