COVID-i nuk ndal dasmat! Gjobë 1 mln lekë pronarëve në Berat, Fushë- Krujë dhe Fier dhe 3 mln në Tiranë

COVID-i nuk ndal dasmat! Gjobë 1 mln lekë pronarëve në Berat, Fushë- Krujë dhe Fier dhe 3 mln në Tiranë

Foto ilustruese

TIRANË- Dasmat janë shndërruar në një vatër kryesore infektimesh, e megjithatë duket se qytetarët nuk janë ndërgjegjësuar për rrezikun që i kanoset.

Të shkuarit në një dasmë është një formë detyrimi, respektimi për familjen, e kjo traditë shqiptare ka rezultuar aq e pamundur që të thyet, edhe pse ekziston një virus vdekjeprurës.

 Çdo ditë raportohet për ceremoni martesore që organizohen, ashtu sikurse dhe për pronarë restorantesh që gjobiten. Ditën e sotme janë gjobitur me nga 1 mln secili 6 pronarë dhe administratorë restorantesh, 1 në Berat, 1 në Fushë- Krujë dhe 4 në Fier.

Më konkretisht janë gjobitur me 1 mln lekë pronari i restorantit në Berat, K.B., I. T., në Fushë- Krujë dhe R. N., A. T., V. P. dhe K. K., në qytetin e Fierit.

Gjithashtu edhe në Tiranë janë ndëshkuar dy pronarë me nga 3.000.000 lekë gjobë dhe një tjetër me 1.000.000 lekë. Pronarët e bizneseve, A. C. dhe E. S. u ndëshkuan me 3.000.000 lekë secili, ndërsa 1.000.000 lekë, S. L., të cilët po zhvillonin ceremoni festive.

Apeli i uniformave blu shkon për pronarët/administratorët e subjekteve që të respektojnë protokollet e sigurisë.

"Policia apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19", përfundon policia.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Taipi: 10/08/2020 15:39

    po koncertet e Noizy nga jugu a lejohen?

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite