Covid-Italia rikthehet në normalitet, hiqen barrierat rajonale të lëvizjes

Nga sot, italianët do të jenë në gjendje të fillojnë të lëvizin lirshëm në të gjithë vendin teksa kanë rënë barrierat rajonale që u vendosën për të kufizuar infeksionin e koronavirusit.

Nga sot të gjithë mund të lëvizin lirshëm pa patur nevojë për të justifikuar lëvizjet përmes vetë-certifikimit zhduket.

Ministri i Jashtëm Italian Luigi Di Maio tha se "Sot është një datë shumë domethënëse, pasi sot italianët do të jenë në gjendje të lëvizin lirshëm në të gjithë vendin, midis të gjitha rajoneve. Ky është gjithashtu një mesazh i rëndësishëm i sigurisë, të cilin ne  japim si Itali për të gjithë botën. Vendi po rikthehet në normalitet”.

Në Itali ka vazhduar të ulet numri i viktimave. Sipas autoriteteve të Mbrojtjes Civile gjatë 24 orëve të fundit janë regjistruar 55 viktima nga koronavirusi për një total prej 33.530 kurse numri i të shëruarve ka shkuar në 160 092.

Italia, në muajin mars vendosi masa të ashpra të izolimit, pasi numri i të infektuarve nga koronavirusi po rritej me shpejtësi dhe është një nga vendet më të goditura në Evropë nga pandemia.

.

 

Lajmi kryesor:

Covid, në Itali regjistrohen 71 viktima...Zero vdekje në 11 Rajone! Alarm infeksionesh në Amerikën Latine

TAG:
• SHBA
• Brazil
• koreja e jugut
• amerika latine
• Koronavirus
• covid