Covid/SHBA, prej nëntë ditësh regjistrohen më pak se një mijë viktima nga infeksioni

Shtetet e Bashkuara kanë regjistruar në 24 orët e fundit 705 vdekje nga infeksioni i koronavirusit.

Është dita e nëntë rradhazi që numri i vdekjeve bie nën një mijë, edhe pse Shtetet e Bashkuara mbeten vendi më i prekur nga pandemia me gjithsej mbi 119,000 vdekje të koronavirusit dhe 2.2 milion infeksione të konfirmuara.

Autoritetet shëndetësore në vend janë shprehur për  rikthim të koronavirusit në afro 20 shtete të SHBA.

Epidemia është zhvendosur nga Nju Jorku dhe veri-lindja e vendit në një brez të gjerë që përshkon jugun dhe perëndimin. Shteti i Florida regjistroi dje një rekord të ri të rasteve të koronavirusit me afro 3,820 njerëz të infektuar brenda 24 orëve.

Lajmi kryesor:

Covid, në Itali regjistrohen 49 viktima! 1 milion raste infeksioni në Brazil… Më shumë se 460 mijë vdekje në botë

TAG:
• SHBA
• Brazil
• Franca
• amerika latine
• Koronavirus
• covid