Covid/UNDP dhe Luksemburgu i dhurojnë Kosovës 5,000 teste për infeksionin e koronavirusit

Programi i Kombeve të Bashkuara për Zhvillim (UNDP) në Kosovë, së bashku me Qeverinë e Luksemburgut i kanë dhuruar 5,000 teste për koronavirus Institutit Kombëtar të Shëndetësisë Publike në Kosovë dhe Ministrisë së Shëndetësisë.

Përmes një komunikate për media të UNDP-së, është bërë e ditur se ky donacion vjen si pjesë e një marrëveshjeje të arritur midis Qeverisë së Luksemburgut dhe UNDP-së, për ofrimin e mbështetjes së menjëhershme për Kosovën, me qëllim të luftimit të sëmundjes COVID-19, që shkakton koronavirusi.

Marrëveshja me Qeverinë e Luksemburgut, kap vlerën e përgjithshme prej 1 milion eurosh, ku prej tyre 460,000 euro do të ndahen për blerjen e deri 20,000 testeve për Qendrën Klinike Universitare të Kosovës, për zbulim të koronavrusit.

Shuma e mbetur e kontributit është thënë se do të përdoret për ndihmë humanitare, sidomos për familjet që janë prekur nga ky virus.

Në Kosovë janë konfirmuar gjithsej 861 raste me koronavirus.

Prej tyre, 561 janë shëruar, ndërsa 28 kanë vdekur.

TAG:
• kosova
• kosova
• kosova
• UNDP
• koronavirusi
• covid