Covid/Vala e dytë e pandemisë godet Gjermaninë...1700 raste të reja në 24 orë

Vala e dytë godet Gjermaninë. Infeksionet e shkaktuara nga koronavirusi në Gjermani janë ditë pas dite në rritje.

Siç është njoftuar nga Instituti për sëmundje infektive ‘Robert Koch’,  brenda një dite në vend janë regjistruar 1707 raste të reja të Covid 19, shifra më e lartë e raportuar që nga 26 Prilli, për një total prej gati 229,000 raste.

Numri më i madh i rasteve të reja u regjistrua në Bavari, North Rhine dhe Westphalia, teksa në vend indeksi i infeksionit është rritur në 1.03

Në Brazil 1212 viktima në një ditë

Brazili gjatë 24 orëve të fundit ka regjistruar 1212 vdekje dhe 49.229 infeksione të reja Covid.

Numri i përgjithshëm i rasteve të konfirmuara të koronavirusit në vend është rritur në 3 456 652, ndërsa numri i përgjithshëm i viktimave që nga fillimi i pandemisë ka arritur në 111 100.

Sipas autoriteteve shëndetësore, në gjigandin e Amerikës së Jugut shkalla e transmetimit të Covid-19 raportohet se po ngadalësohet për herë të parë që nga prilli.

Sipas të dhënave, shkalla e infeksionit (Rt) e regjistruar në fillim të kësaj jave ishte 0.98. Shkalla e vdekshmërisë është 3.2%, ndërsa shkalla e vdekshmërisë është 52.9 persona për çdo njëqind mijë banorë.

Lajmi kryesor:

Covid/ Rriten infeksionet në Itali! Vala e dytë godet Gjermaninë… Më shumë se 5.5 milionë raste infeksioni në SHBA

TAG:
• SHBA
• gjermani
• Brazil
• pandemi
• covid