“Çdo ditë pranë jush për 15 vite!” fushata më e re e Bankës Credins, një intervistë me George Spiliopoulos, Drejtori Kreativ i Landmark Communications.
Banka Credins ka publikuar së fundmi një spot televiziv që shoqëron fushatën e 15 viteve të bankës në tregun shqiptar. Ky spot rrëfen një histori suksesi që mbështetet pikërisht mbi një koncept shumë të thjeshtë “një ditë normale” e gjithsecilit. Për të kuptuar pak më shumë rreth këtij spoti dhe kësaj fushate, kemi intervisuar z. George Spiliopoulos, Drejtorin Kreativ të Landmark Communications, agjencisa e cila realizoi fushatën e Credins.
1. Si lindi idea e realizimit të këtij spoti publicitar?
Procesi kreativ i ndërtimit të një skenari që përcjell një ide frymëzuese është padyshim shumë kompleks. Kur fillon të mendosh për një produkt filmik, mbi të gjitha mendon vlerat që do të përcjellë, mendon se si do të duket, si do të jenë ngjyrat, gjendja në të cilën do të vendosen skenat, mendon cilat janë mesazhet që spoti do të përcojë. Në rastin e Bankës Credins, gjithçka ishte shumë e thjeshtë! Na u shtrua në tavolinën e diskutimit një bankë e konsoliduar, me vlera të shtrira përgjatë 15 viteve, me klientë besnikë dhe mbi të gjitha një bankë që mban vulën “Made in Albania”. Të gjitha këto krijojnë përbërësit e duhur për të prodhuar një spot si ky që kemi tashmë dhe që të gjithë e kanë parë.
2. Kjo video bazohet mbi një koncept shumë interesant, spoti flet për ditë e për çaste nga jetët e njerëzve?
Po, është shumë e saktë kjo që thoni ju! Ideja është që ne kemi jetë të ndryshme, eksperienca të ndryshme, kemi sfonde kulturore të ndryshme dhe gjithashtu kemi kërkesa të ndryshme. Konceptualisht videon e bashkon pikërisht kjo gjë, një ditë në jetën e gjithsecilit, një ditë suksesi, një ditë ku ne arrijmë hapa të vegjël e të mëdhenj. Interesantja në rastin tonë është pikërisht lidhja që këto situata kanë, kuptimi që këto çaste marrin dhe sa të thjeshta bëhen realizimet e tyre kur në krah ke një mbështetës të fuqishëm, një bankë si Credins.
3. Po realizimi i këtij spoti si ishte?
Është njësoj sikur unë t’ju them tani, me jepni konton bankare të klientit tuaj më të madh? (Qesh). Ky është një sekret profesional, por gjithsesi unë po mundohem të ndaj diçka me ju. Sheshet e xhirimeve janë si botë paralele, botë në të cilat ti ndërton magjinë. Për shembull, skena e çiftit në makinë, ishte një moment shumë përmbushës.
Ora 6:00 e mëngjesit, drita dhe ngjyrat ishin perfekte për të xhiruar, të krijonte idenë e një përralle, e një rrëfimi marrë nga një libër i realizmit magjik. Në këtë skenë ka shumë dashuri, ka shumë emocion njerëzor, pra perceptimi që njerëzit marrin është një imazh familjar, një imazh që edhe pse nuk e kanë jetuar, do të dëshironin ta përjetonin si një çast magjik, i cili bëhet i mundur vetëm nga banka Credins.
4. A jeni i kënaqur me videon finale, a ju pëlqeu bashkëpunimi me Bankën Credins?
Mund të them se ishte një eksperiencë shumë e bukur bashkëpunimi me Credins, pra ditët e xhirimeve ishin në sintoni me konceptin e videos. Njëkohësisht, mund të them se në Credins, ka një numër të madh personash që nëse në të ardhmen do ta lënë profesionin e tyre si financier apo bankier, mund të gjejnë vend shumë lehtë në industrinë e kinemasë, si regjisor apo skenarist dhe këtë e them, sepse kemi patur një bashkëpunim të ngushtë me disa prej drejtuesve, të cilët kanë një sy shumë të mprehtë për detajet. Që prej takimit të parë e deri tek momenti që vendosëm logo në planin final, të dy skuadrat tona, pra Landmark Communications dhe Credins ishin në sintoni të plotë me konceptin se çdo ditë është unike sidomos kur ke përkrahjen e bankës Credins. Ndaj më lejoni t’ju them, se kjo ishte një eksperiencë e bukur që shpresoj të përsëritet së shpejti, në projekte të tjera.
Lajme të tjera
-
Credins bank, sponsor zyrtar i Kombëtares shqiptare! Firmoset marrëveshja me FSHF
4 Qershor, 17:05 -
Agrokredia Tak Fak, produkti ideal për çdo fermer! Credins bank, zgjedhja e duhur për të zhvilluar biznesin
2 Maj, 16:22 -
Ligji, llogari bankare falas për pensionistët! Credins Bank: Çdo procedurë do jetë me tarifë zero
3 Prill, 19:52
-
Credins bank, është vendi që po kërkoje!
29 Mars, 16:02 -
Credins bank lançon produktin risi kredia Start-UP! Alternativa më e mirë për gratë sipërmarrëse!
7 Mars, 12:00 -
Credins bank, zgjidhet banka e vitit!
24 Janar, 13:42 -
Marrëveshje bashkëpunimi mes Universitetit të Tiranës dhe Credins bank
13 Nëntor 2023, 09:13 -
Çmimi i SDG Business Pioneer Albania 2023! UNDP, vlerëson me çmim të parë Credins bank për kontribut të lartë në zhvillimin e shoqërisë shqiptare
26 Tetor 2023, 12:14 -
Arben Bajo, një yll që nuk shuhet!
17 Tetor 2023, 12:52 -
“Kape Bitin” me Credins bank & Mastercard!
13 Qershor 2023, 16:49 -
Credins bank, çel ekspozitën ‘Arti në rrugëtimin tonë’
31 Maj 2023, 15:35 -
Credins Smart Park, një pit stop i relaksit në natyrë!
11 Prill 2023, 12:51
