Çuçi takon Braverman: Gjuha ndaj shqiptarëve e patolerueshme! Të amnistohen ata që janë pa viza, por që punojnë në mënyrë të ndershme

Çuçi takon Braverman: Gjuha ndaj shqiptarëve e patolerueshme! Të amnistohen ata që janë pa viza, por që punojnë në mënyrë të ndershme

Ministri i Brendshëm Bledi Çuçi dhe Sekretarja e Brendshme britanike Suella Braverman

Ministri i Brendshëm, Bledi Çuçi ka zhvilluar një takim me Sekretaren britanike të Punëve të Brendshme, Suella Braverman. Takimi është zhvilluar një ditë më parë në Home Office në kuadër të vizitës zyrtare që delegacioni shqiptar zhvilloi në Britaninë e Madhe.

Një ndër çështjet më të rëndësishme që është biseduar në këtë takim është edhe çështja e emigrantëve shqiptarë të paligjshëm. Në njoftimin për mediat, thuhet se Çuçi ka shprehur shqetësim në lidhje me gjuhën që Braverman ka përdorur ndaj shqiptarëve, duke i quajtur ata kriminelë. Çuçi ka thënë se kjo është një gjuhë e patolerueshme dhe se komuniteti shqiptar nuk mund të veçohet në mënyrë të atillë, vetëm nga disa shqiptarë të tjerë që mund të jenë të përfshirë në botën e krimit, pasi komuniteti shqiptar jep kontributin e tij në Britaninë e Madhe.

“Me homologen britanike Suella Braverman diskutuam mbi bashkëpunimin dypalësh për të adresuar çështje komplekse si emigracioni i paligjshëm dhe krimi i organizuar, fenomene transnacionale që kurrsesi nuk mund të identifikohen me etni të caktuara. Ndava me homologen time shqetësimin se është e patolerueshme që komuniteti shqiptar të veçohet dhe stereotipizohet vetëm nga disa personazhe të botës ilegale”, tha Çuçi.

Ministri Çuçi i ka bërë një propozim konkret homologes së tij britanike, për të amnistuar shqiptarët pa viza në Mbretërinë e Bashkuar, por që punojnë ndershmërisht dhe s’kanë rekorde kriminale në ngarkim. Ai gjithashtu vlerësoi asistencën dhe ekspertizën britanike në ngritjen e kapaciteteve tona dhe në mbështetje të modernizimit të Institutit të Policisë Shkencore.

“Qasja jonë është se emigracioni i paligjshëm nuk mund të adresohet si problem pa përmirësuar kushtet e emigracionit përmes rrugëve legale. Në këtë pikë i kërkova homologes Braverman të rishikojnë edhe njëherë regjimin e trajtimit të shtetasve shqiptarë që jetojnë e punojnë në Britaninë e Madhe, për t’i lehtësuar në raport me mundësi të reja punësimi apo lëvizjet sezonale. I kërkova gjithashtu të amnistojë çdo shqiptar pa vizë, por që punon në mënyrë të ndershme dhe nuk ka rekorde kriminale në ngarkim”, deklaroi ministri Çuçi.

Kritika për gjuhën e Braverman ka pasur edhe kryeministri Edi Rama, i cili e ka shfaqur pakënaqësinë e tij jo vetëm tek homologu britanik Rishi Sunak, por edhe në një intervistë për BBC radio, duke thënë se duhet t’i thuhet stop përdorimit të shqiptarëve për politikë të brendshme.

Çështja e emigrimit të shqiptarëve drejt Britanisë së Madhe pati nxitur një debat të madh, për shkak të deklaratës së ashpër të sekretares së Brendshme Britanike Suella Braverman, e cila i cilësoi shqiptarët që shkojnë drejt Britanisë me gomone, si kriminelë dhe pushtues. Kjo nxiti edhe reagimin e madh nga ana e shqiptarëve në Britani të Madhe, të cilët organizuan edhe protestë të madhe në Londër, ku i kërkuan që Braverman të kërkonte ndjesë për deklaratën.

Çuçi dhe Braverman

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • AltinTop: 25/03/2023 17:35

    Kto politikane kane 30 vite qe ua nxijne jeten shqiptareve duke i bere te marrin rruget e botes per nje jete me te mire.. tani bejne sikur po na dalin zot jashte shqiperise…Asnje emigrant ska drejte vote jasht shqiperise…Tani hajde jepi propagandes, cfar turpi!

    Përgjigju
  • S’ka problem: 25/03/2023 14:22

    Turp ti japesh doren nje rracisteje qe bashkeatdhetarert e saj edhe sot e kesaj dite hajne me duar , aty ku derdhen ujrat e zeza aty lajne pjatat

    Përgjigju
    • Toni: 25/03/2023 18:08

      @ Hako. Te drejten ka thene, kjo indiania e qelbur eshte e para we duhet deportuar nga Britania se e qelbi vendin.

    • Hako: 25/03/2023 15:43

      Komenti yt eshte shume racist o njeri.

  • Arbërori: 25/03/2023 13:36

    Wiwi i ashpër , ka filluar ta bèj konkurencen me ortakun

    Përgjigju
  • gezimi: 25/03/2023 12:51

    Ju pasjeni thënë, por ajo çfarë tha? Gjithçka në vesh të shurdhët!!

    Përgjigju
  • [email protected]: 25/03/2023 12:41

    Mirë që ju u ankuat dhe I the që gjuhën e përdorur ndaj shqiptarëve është e pa tolerueshme, po ajo si u përgjigj kur ju i thanë ashtu?Maskarenj politikan do zoti u shofshi të gjithë me rrënjë.

    Përgjigju
  • Gjin Plehu: 25/03/2023 12:30

    Shumë interesante që punës së paligjshme/në të zezë ministri I referohet si punë e ndershme. Shtetasit shqiptarë që punojnë në ilegalisht në Britani janë duke shkelur ligjin, punëdhënësit gjithashtu. Ministri defacto promovon kulturën e paligjshmërinë, mos respektin për sundimin e ligjit etj. Kjo është e turpshme! Detyra e tij është të edukojë qytetarët e Shqipërisë të respektojnë ligjin si brenda RSH ashtu edhe jashtë saj. Qasje të tilla ia shtojnë oreksin Bravermanit e shumë të tjerëve të kenë një opinion të ulët për shqiptarët. Kjo qasje tregon se ministri në fjalë dhe qeveritarët e tjerë nuk duan t'ia dinë për sundimin e ligjit dhe shtetit të së drejtës. Realiteti është se shqiptarët po largohen për shkak të dështimit spektakolar të qeverisjeve kleptokrate-quasi-kriminale të të gjithë spektrit politik shqiptar. Kjo është e vërteta tragjike! Të tjerat janë pordhë me rigon!

    Përgjigju
    • Gjykatesi: 25/03/2023 15:49

      Sundim ligji eshte kur nxjerr ushtaret si pirate te plackisin anijet spanjolle? Kur u thua indianeve ky kontinenti ketu eshte imi? Ose kur con cunat te shesin opium ne Kine? Jane te gjitha gjera qe anglezet i kane bere ne te shkuaren. Edhe nuk mund te quhen te shkuara te harruars se kapitalin e vene ne kete menyre e kane mbajtur dhe shumuar.

    • Beni: 25/03/2023 14:17

      Po ta marresh holle holle ke te drejte ti.po thuaja cucitos

  • Kistra: 25/03/2023 12:16

    Me cfare lexojme duket sikur keta tanet i kane vene para anglezet. Po te jete keshtu shume mire, po kjo ministrja nuk paska folur asnje fjale?! Nejse, shpresojme te kete ndikim per mire kjo vizite!

    Përgjigju
  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Duka në ‘Repolitix: Në 2025 PAA në zgjedhje, por ju unë si deputet

Duka në ‘Repolitix: Në 2025 PAA në zgjedhje, por ju unë si deputet