Të veshur kuqezi, me flamuj dhe pankarta në duar dhe thirrjet 'O sa mirë me qen shqiptar', miijëra emigrantë u mblodhën këtë të shtunë në Londër për t’i treguar qeverisë britanike se nuk janë kriminelë. Me këngë shqipe në sfond dhe duke hedhur valle, ata kërkonin dorëheqjen e sekretares së brendshme Suella Braverman për deklaratat e saj ndaj shqiptarëve. Teksa protestonin në urën ‘Westminster’, ku afishuan edhe pankartën ku shkruhej: “Shqiptarët s’janë kriminelë.” Një prej kërkesave të tyre është kërkim falje nga qeveria britanike apo Braverman, deklaratat e së cilës kanë ndikuar te fëmijët pasi i thonë se kanë prindër kriminelë ose vijnë nga familje mafiesh.
Që prej orës 10:30 u mblodhën në Westminster, ku qëndruan për më shumë se 3 orë dhe nën kontrollin e policisë marshuan në rrugët e Londrës për t'iu drejtuar më pas parlamentit britanik. Nuk munguan thirrjet për mbrojtje të lirive dhe të drejtave të tyre, si dhe deklaratat se janë punëtorë dhe taksapagues të rregullt. Pavarësisht zemërimit dhe zhgënjimit që kishin, ata arritën të ruanin qetësinë dhe të realizonin një protestë paqësore. Megjithatë, në rast se nuk ka reagim, paralajmërojnë protestë tjetër më 28 nëntor.
Përveç atyre që jetojnë në Britani, në mbështetje mbërritën edhe shqiptarë të tjerë nga Zvicra që iu bashkuan kërkesave të tyre për deklaratat e sekretares britanike. Dy prej shqiptarëve të pranishëm në protestë folën nga Londra për Report Tv duke thënë se ka konflikte edhe në vendet e punës ndërsa shton se ndihen të sulmuar nga të gjitha anët.
“Akuzat kanë pasur ndikim te fëmijët. Ka raportime për acarime dhe konflikte nëpër vende të punës. Kur je i sulmuar në çdo anët, një pyetje e lehtë mund të duket provokim. Kërkesat janë të shumta, shumë ka që të kërkohet dorëheqja e ministres, të kërkohet falje nga kryeministrja. Shumica e shqiptarëve punojnë në ndërtim”, tha emigranti Taulant.
“Dihet si ka shkuar situata këto 2 javët e fundit në Britani që janë kundër emigrantëve dhe po bëjnë ekzagjerim të tmerrshëm kundër shqiptarëve. Kemi një atmosferë shumë të mirë. Ende s’kemi filluar të flasim por jemi me parulla anglisht dhe shqip duke i treguar se kush jemi ne, duke nisur nga punëtori i thjeshtë te biznesmenët, profesorët. Kushdo që e ka ndjerë veten të fyer ka ardhur sot. Nuk mund të thonë e kanë pushtuar shqiptarë. Dështimi i emigracionit e ka sjellë këtë”, tha emigranti tjetër, Enkelejd Omi.
Kjo vjen në një kohë kur diskutimet për emigrantët shqiptarë në Britaninë e Madhe kanë qenë të nxehta. Braverman, e cila nuk ka kursyer gjuhën e ashpër ndaj atyre që hyjnë në mënyrë ilegale, është zotuar se do të gjejë një mënyrë që të funksiojë skema e Ruandës. Si kundërpërgjigje, shqiptarët zgjodhën të mblidheshin këtë të shtunë për t’i treguar sekretares britanike që ata janë bashkë, por nuk janë kriminelë.
Në deklaratat e saj, Suella Braverman tha se shqiptarët gënjenin për arsyen përse largoheshin nga vendi dhe shumë prej tyre i etiketoi si persona me rekorde kriminale. Ndaj kësaj deklarate është përgjigjur edhe kryeministri, Edi Rama i cili i konsideroi deklaratat e saj si “britmë në çmendinë”, duke shtuar se ishte përgjegjësi e Britanisë që të bashkëpunonte për të menaxhuar situatën me emigrantët e paligjshëm shqiptarë që mbërrijnë me gomone në Mbretërinë e Bashkuar.
Gazetari dhe ish-këshilltari i Toni Blair, Alastair Campbell ka postuar në twitter foto nga protesta e organizuar ditën e sotme nga shqiptarët në Britaninë e Madhe. Gazetari i njohur britanik ka dalë në mbështetje të protestës, teksa shkruan se është një mesazh për sekretaren Suella Braverman.
“ Ne jemi taksapagues dhe jo pushtues” … Shqiptarët që jetojnë në Britani duke bërë të qartë se çfarë mendojnë për sekretaren tonë të Brendshme të demokratëve në protestë në Parlament”, shkruan ai.
Postimi i tij është ndarë edhe nga kryeministri Edi Rama.
Përmes një peticioni, me një gjuhë të fortë dhe krenare, shqiptarë rezidentë në Mbretërinë e Bashkuar kanë kërkuar ndalimin e menjëhershëm të fushatës së shpifjeve raciste ndaj tyre. Ata kanë thënë se kjo është raciste dhe po krijon një perceptim të gabuar për të gjithë komunitetin.
Peticioni i plotë
Gjatë muajve të fundit komuniteti shqiptar në Mbretërinë e Bashkuar ka qenë objekt i një sulmi të pamëshirshëm dhe të paprecedentë nga segmente të cakatuara të mediave britanike të cilat me rrëfimet e tyre të shtrembëruara kanë kontribuar në krijimin e një perceptimi negativ për komunitetin tonë.
Në këtë fushatë të dëmshme kanë kontribuar edhe deklaratat dhe përfshirja e segmenteve të caktuara të politikës britanike, që rrjedhin nga raportet e agjencive të zbatimit të ligjit ku përmendet kombësia e atyre që janë të përfshirë në veprimtari të paligjshme.
Për të gjithë ata që u mungon tabloja e plotë, duam të bëjmë të ditur se komuniteti shqiptar në Mbretërinë e Bashkuar numëron rreth 140 mijë njerëz. Dy të tretat e këtyre kanë ardhur nga Italia dhe Greqia, për shkak të krizave ekonomike të viteve 2008-2014 në këto vende, dhe pjesa tjetër kanë ardhur legalisht në fillimet e viteve '90.
I jemi mirënjohës këtij vendi për atë që na ka ofruar dhe që na ka dhënë mundësinë për t'u integruar në shoqërinë e gjerë britanike. Për më shumë se dy dekada ne jemi taksapagues të rregullt të këtij vendi dhe respektues të ligjit si qytetarë. Arsyet pse kemi zgjedhur këtë vend janë të ndryshme, por më së shumti e rëndësishme është mundësia për prosperitet individual që ofron ky vend. Për këtë shkak të këtij fakti ky vend pret gjermanë, francezë, amerikanë etj. Për ne, shqiptarët, ky vend i madh është për edhe i ynë, askush prej nesh nuk ndihet i huaj apo i paragjykuar për shkak të ngjyrës së lëkurës, përkatësisë fetare ose kombësisë.
Falë këtij realiteti, vetëm në Londër janë 1200 biznese të drejtuara nga shqiptarë. 58 janë akademikët që japin leksione në aulat e universiteteve në të gjithë vendin, dhjetëra të rinj të arsimuar shqiptarë punojnë në Qendrën Financiare të Qytetit.
Por kjo anë e historisë, ajo e mira, shpesh humbet ose hidhet poshtë me dëshirë nga segmentet e përzgjedhura të medias dhe politikës britanike të cilët me një axhendë të qartë raciste në sfond portretizojnë me zë të lartë shqiptarët si ‘kriminelë’ dhe ‘trafikantë të qenieve njerëzore’.
Sulmi, i huaj për traditën britanike, ka ndikuar dhe ka krijuar një perceptim negativ për ne në mendjet e njerëzve normalë britanikë me të cilët ndërveprojmë çdo ditë. Historia ka treguar se krijimi i perceptimeve negative çon në vendosjen e stereotipe të cilat nga ana e tyre çojnë dhe kanë vetëm rezultat, RACIZMIN.
Në këtë fazë, ne nuk e dimë qëllimin dhe axhendën e qartë pas retorikës malinje që burojnë nga media dhe politikanë individualë, të përfshirë në mënyrë aktive në fushatë shpifjesh. Në këtë histori, ajo që ne dimë si fakt është se është përgjegjësi personale për të gjithë ata që shkelin ligjin dhe duhet të japin llogari për të. Origjina etnike, përkatësia politike, besimet fetare, ngjyra e lëkurës apo orientimi seksual nuk janë përcaktuese të elementeve të profilit të individit që shkel ligjin.
Për të njëjtat arsye, ne komuniteti shqiptar në Mbretërinë e Bashkuar, kërkojmë me këtë Peticion STOP kësaj fushate shpifjeje dhe RACISTE. Sekretarja e Brendshme, znj. Suella Braverman, duhet t'i kërkojë falje komunitetit shqiptar në MB dhe shqiptarëve në tërësi për përdorimin e terminologjisë së papranueshme ndaj tyre. Përveç kësaj ne i bëjmë thirrje ligjit agjencitë e zbatimit të ndërpresin praktikën e përmendjes së kombësisë së atyre që thyejnë ligjet e këtij vendi në raportet e tyre publike.
Një prej mjekëve e pranishëm në protestën e mbajtur në Londër është shprehur se të gjithë kontribuojnë për Britaninë dhe s’mund të cilësohen kriminelë.
“Është protest që përfaqëson të gjithë komunitetin shqiptar nga fëmijët deri te të rriturit. Ne s’jemi kriminelë, por profesionistë, jemi punëtorë, inxhinierë, doktorë dhe mundohemi cdo ditë të cojmë përpara qeverinë britanike duke dhënë kontributin tonë edhe duke mbështetur komunitetin shqiptar. E duam vendin tonë e komunitetin tonë edhe pse jetojmë në Angli”, tha doktori.
“Me kohë të plotë marangoz, ‘kriminel’ në kohë të lirë”. Me këtë parullë ka zgjedhur një shqiptar në Londër të ironizojë deklaratat skandalozë të Sekretares britanike për Punët e Brendshme, Suela Braverman.
Me mijëra janë shqiptarët që janë mbledhur në qendër të kryeqytetit britanik për të reaguar ndaj deklaratave diskriminuese ndaj tyre.
Prej disa orësh, mijëra emigrant shqiptarë ndodhen në Westminster ku kërkojnë dorëheqjen e Suella Braverman. Ata janë drejtuar për në parlamentin britanik dhe kërkojnë që qeveria të reagojë.
“Shqiptarët realisht pushtojnë parlamentin britanik. Është e paimagjinueshme kjo shumicë populli”, thotë emigranti i pranishëm në protestë.
Një prej protestuesve në Londër foli për Report Tv duke treguar se si iu kundërvu një britanik pasi vuri re pankartat që kërkonin dorëheqjen e sekretares britanike Suella Braverman. Po ashtu shprehet se i është mbushur zemra mal nga të gjithë të pranishmit që kërkojnë të drejtat.
“Heshtëm për shumë kohë, kërkojmë të drejtat tona. Jemi në punën tonë, s’jemi kriminela, paguajmë taksa. Çdo njeri këtu ka të drejtën e vet të flasë dhe i lutem të gjithë shqiptarëve të bashkohemi e të ngrejmë zërin. Suela të japë dorëheqjen. Ajo bëri gabimin më të madh që u shpreh në atë mënyrë. Është shumë e padrejtë dhe shpresoj që me këtë zë që po ngremë sot të kemi pak ndryshim dhe Suela të japë dorëheqjen.
Një anglez mu kundërvu sapo pa pankartën në një mënyrë shumë të irrituar dhe thjesht i buzëqesha e vazhdova punën time. Ndërsa gruaja e tij mu kthye dhe më ofendoi. Në këtë moment më është mbushur zemra mal kur shoh të gjithë këto njerëz që kërkojnë të drejtat e tyre dhe shpresoj që zëri ynë të dëgjohet në të gjithë botën dhe jo vetëm në Mbretërinë e Bashkuar. Nëse Suela nuk jep dorëheqjen deri në fund të ditës, protestat do vazhdojnë.
Ne gjithmonë bashkohemi. Nuk kanë pse të na ofendojnë dhe na kanë mbushur me zemërim dhe zhgënjim. Ne paguajmë për cdo gjë”, tha protestuesi.
Me thirrjet ‘O sa mirë me qen shqiptar’ dhe me ritmet e valles së Tropojës në sfond, shqiptarët janë mbledhur në urën Westminster për t’i treguar Britanisë se nuk janë kriminelë.
Të veshur kuqezi dhe me pankarta në duar, shqiptarët kërkojnë dorëheqjen e Suella Braverman pas deklaratave të saj lidhur me emigrantët. Ata i kërkojnë që të bëjë gati valixhet e të marrë avionin për t’u larguar sepse s’mund të quajë fëmijët kriminelë.
Komente
Lajme të tjera
-
Aplikimi për dokumentet e identifikimit, emigrantët shqiptarë tashmë mund të zgjedhin nëse duan pasaportë biometrike apo kartë ID
25 Tetor, 21:15 -
Modeli Itali-Shqipëri, më shumë se gjysma e spanjollëve mbështesin qendrat e emigrantëve jashtë vendit
24 Tetor, 19:58 -
Censi në Malin e Zi/ Shqiptarët deklarohen më pak se 5%, janë 30 mijë shtetas me origjinë shqiptare! Shtohen serbët! 2 % janë rusë
15 Tetor, 15:48
-
Reportazh/ Vetëm pak ditë para mbërritjes së emigrantëve, ‘Report TV’ sjell pamjet brenda kampit të Gjadrit! Dhoma e gjykimit dhe burgu!
11 Tetor, 17:18
-
'Xhiro me Ferrari në Londër, na bën për budallenj!', shpërthen ish-kreu i UKIP Farage për shqiptarin Puka: Po na shkelin me këmbë kriminelët!
10 Tetor, 20:36 -
Rrezikonin mbytjen, anija shqiptare ndihmon emigrantët
8 Tetor, 19:20 -
Balla takim me emigrantët shqiptarë në Londër: Vota e Diasporës, moment historik për demokracinë! Një borxh i kthyer, ja si bëhet regjistrimi
6 Tetor, 20:20 -
Të djathtët evropianë mbështesin Salvinin para vendimit gjyqësor për emigrantët
6 Tetor, 17:10 -
10 ditëshi i KQZ s’i mjafton postave: Duhet mbi 1 muaj! Zarfi i diasporës të pritet edhe pas votimit
25 Shtator, 15:51
-
Trafik kokaine nga Amerika Latine në BE e Itali! Baza në Shqipëri, grupi italo-kinez i pastroi 375 mln €! 61 të arrestuar, mes tyre 43 shqiptarë, 2 u kapën në Durrës (VIDEO+ EMRAT)
25 Shtator, 12:36 -
Angli/ Dokumente false nga Shqipëria, shkatërrohet rrjeti i trafikantëve! Zbardhet skema si vepronin
23 Shtator, 16:36 -
Kishin shkuar për të trafikuar drogë, arrestohen në Fano 2 të rinj shqiptarë! Njëri prej tyre dëbohet nga Italia
18 Shtator, 09:27
A mund te hidhet ne gjyq kjo ministrja per shpifje, shkelje te te drejtave te njeriut si dhe diskriminim? Pastaj te dergohet ne hage nese ben si njeshe nen petkun e imunitetit qeveritar. Ve bast qe do i ngrefen lesht e kokes Ramcharit sapo te lexoje kete koment. Ja re bq-re…imuniteti politik qe keni eshte diskriminues dhe eshte kundra te drejtave njerezore, sepse diskriminon popullin e thjeshte dhe mbron gomer si puna e jote! Te spac e keni vendin, si ti dhe berisha me liken.
PërgjigjuLe te themi faktet,1-racizmi, ku me shume,ku me pak,diku me pasoja shpesh dhe te renda,ka ekzistuar ne te gjithe bote,asnje grup nuk eshte imune.2-Vertet qe ka plot shqiptare te integruar ne Britani qe bejne pune te ndershme e paguajne taksa e sillen korrekt,por per cdo te ndershem ,ka 10 shkeles ligji qe merren me shtepi bari e trafiqe dhe per kete s'keni nevoje te shkoni deri ne Angli.Vetem sot ne faqen /Kronike/,/SHQIPTARJA/ njofton 5 raste,nje prej tyre ne Spanje,dhe ketu nuk po permendim numrin per cdo rast,te te arrestuarve per kanabis.3-Shume shqiptare abuzojne me sistemin e emigracionit dhe azilit dhe duke genjyer u presin riskun atyre shqiptareve qe e meritojne me te vertete.4-Evropa ka sistem te dobet filtrimi persa i perket levizjes se lire dhe emigracionit,shume kriminele perfitojne nga kjo.5-Sistemi i burgjeve dhe ai penal evropian eshte i dobet.Denimet qe jepen jane qesharake,kurse nga burgjet evropiane,kriminele shqiptare tregojne foto banketesh ne burg,duke krijuar idene se burgu eshte i lehte.6-Kushtet ekonomike ne Shqiperi te shkaktuara nga politika jo te mira,korrupsioni dhe drejtesia e dobet kane shkaktuar nje emigracion qe mund te kuptohet.7-Por ama te zgjedhesh rrugen e shpejte,te shkurter e te pamundimshme te pasurimit me ane te krimit,ne vend te rruges se gjate,e te lodhshme me pune te ndershme,/trump/ cdo justifikim,cdo shkak,cdo arsye.Thjesht, beheni te pabesueshem.
PërgjigjuNuk e di nese Anglezet e kuptojne se cfare po ndodh dhe se si Indianet po “levizin guret” per nje hakmarrje te mundshme ndaj kolonizimit anglez te Indise. Kjo hakmarrje, nuk eshte kundra Anglezeve vetem, por kundra rraces se bardhe ne pergjithsi!
PërgjigjuJu lumte vellezer dhe qofshi gjithmone faqebardhe! Eshte e rendesishme qe Britaniket te kuptojne se bemat e Priti Patel jane skenar si i atij filmit “Wag the Dog” me Dustin Hoffman. Sherben per te hutuar Britaniket, per ti hadhur pluhur syve te tyre dhe per ti zhvendosur vemendjen nga skandali i znj. Truss dhe mungeses se vizionit dhe konkurushmerise se ekonomise Britanike ne rang boteror! Jane gabime te nje pas njeshme qe me Brexit dhe boris johnson te Britanise dhe qe kane perfunduar ne humbjen e avantazheve konkuruese britanike ne ekonomine nderkombetare. Thelbesisht, me Brexit, Britaniket tkurren tregun. Kur nuk prodhon dhe s’ke ku te shesesh, do kesh probleme te tilla. Edi Rama e di kete me se miri! Nese ju quajne kriminele, thuajini qe mamate e tyre s’duhet te perdorin drogera dhe as te mbushin gerrmazin me ate te Shqiptarit qe ka midis kembeve. ???????? Mbase do ju njohin me mire! Koken lart perhere vellezer dhe motra!
PërgjigjuOh zot cjane keta qe shkruajne kunder kesaj proteste? Shqiptare nuk besoj se jane. Ne vend ti pershendesin e pergezojne per kete proteste qytetare per te mbrojtur dinjitetin e tyre vijne ketu dhe derdellisn dhe thone gjera pa lidhje per protesten. Mertojne nje F ..y..
PërgjigjuBravo pjesemarreseve , bravo organizatoreve.Beni krenare gjithe shqiptaret me kete protest.Braverman jep doreheqjen, kerko falje.
Përgjigjushqiptaret te lobojne per te drejtat e tyre, te kerkojne dinjitet! ministria doreheqje
PërgjigjuMduket se naj shqipe atje se ka knaq si duhet e na ka marr me inat hahah
Përgjigjuedhe pune beni,,por edhe droge shisni atje,,,mos na u hiqni si te kulluar...disa prej jush duheni mbyllur ne burg....
PërgjigjuPaul ke te drejt, me motrat e mbesat e tua do shkoja 1 jav burg e prap S’do ja u fusja
Shum e vertet.ka shqiptar kriminel.Ti je i till?
Popull i vogel por qe punen e ben te madhe. 4 milion nder 8 miliarde por qe kapem majat e trafikut boteror te droges. Skane faj bota pastaj qe na etiketon si kriminele.
JA DOLEM PER TE DEGJUAR,PREJ NJE LECKE HALEJE,PER TE NA THENE KRIMINEL...DUHET PASTRUAR KETE QELBESIRĒ.
PërgjigjuPopull pa zote shijete. Tu tall bote me ne. Lavdi ppsh
Përgjigjubravooooooo ti SHQIPERI me jep nder me jep emrin shqipetar...
PërgjigjuPo more nderi i madh,
Me taksat tona ne Angli mbahet ne pune ministria.. shumica e shqiptareve punojne ne ndertim ne Londer dhe paguajne taksa qe te mbahet llumi i Londres me benefite. Londra ka 5 milion te huaj pse kapen keta plehra me 100 mij shqiptaret?
Përgjigju@anglezja pse ca ka per te qeshur? Nese ministria nuk i do taksat e shqiptareve fare mire mund te na i kthejne ne fund te vitit.. shumica e shqiptareve jane te rinj qe punojne ne ndertim me te ardhura te larta dhe jo familjare me te ardhura te ulta qe mund te marrin universal credit dhe e dyta shqiptaret nuk kane te drejte per council housing vetem nese kane nenshtetesi britanike kualifikohen. Vetem lavazhot e shqiptareve paguajne taksa te mbajne me buke gjysmen e Londres kshu qe mos i fut te gjithe ne nje thes si keta fashistet ne Angli qe ju ka ik ekonomia per lesh e nuk dine ku kane koken.
Hahaha me e forta e dites qe kam degjuar qe vetem nga taksat e tona ne Angli mbahet ne pune ministria... Sigurisht nje pjese e mire e komunitetit shqiptar ne Mbreterine e Bashkuar eshte integruar, ka perparuar profesionalist ne shume aspekte dhe pozicione, ashtu sic jemi te ndergjegjshem qe kemi dhe nje pjese te mire qe perfiton nga taksat tona duke u mbajtur me Universal credit dhe Council Housing. Dhe jane pikerisht ky grupim qe kur shkon ne vendin tone thote sa mire qe jam se nuk punoj dhe jam mbret se pare e shtepi kam dhe jetoj nga shteti. Dhe sigurisht kush nuk do qe te vije qylit.
Po pse o Ben lokja kush i mban me buke anglezet mbreti ? Normal qe njerezit qe punojne e paguajne taksa.
Po pse e di Suella ku bie Shqiperia edhe cfare bejne Shqiptaret!? Varet o komentuesa kush e ka fryr ndonjeri edhe mish per top Suella ...lale kapeni pak filmin ju komentuesa mos u beni kaq naive edhe te trashe... Se Po I rruhet Suelles cfare bejne Shqiptaret atje ka Rus ka Afrikan ka nga te gjitha rracat pse pikerisht ne!? Apo deshire e madhe nga dikush per te krijuar destabilitet... Kuptojeni te dashur komentuesa pastaj komentoni...
po ju i mbani me buk anglezet se ata po vdisnin per buk deri tani dhe ju thirren ti ndihmoni.