Dëshmitë e shpërnguljes së arbërve
në botimet e De Radës së 1868

TIRANE- Këngët e mbledhura e të botuara nga De Rada më 1866, “Rapsodi të një poeme shqiptare” dhe pastaj këngët e ‘Bletës shqiptare’ të Thimi Mitkos, sillnin pasuri të panjohura prej thesarit të kulturës popullore shqiptare. “Rapsoditë” e De Radës u botuan në një kohë kur në të gjithë Europën ishte rritur interesimi për kulturën popullore. Kjo përmbledhje sipas studiuesve të djeshëm e të sotëm mbetet ende me rëndësi për  kulturën shqiptare, ballkanike dhe atë europiane. Prej më shumë se një shekulli këto këngë u studiuan nga autoritete të shquara si: De Garzia, Meyer, Dozon, Marchiano, Schamus, Camaj, Shuteriqi, Fico, Desnickaja, Altimari, Madala, etj.
Emërtimi “rapsodi”, do me thënë këngë të një poeme epike të dikurshme, nuk i ka qëndruar gjykimit shkencor, por për respekt të traditës më poshtë do t’i quajmë rapsodi.