POP 5

Lajmet më të lexuara të 5 minutave të fundit

Sport

Daja: Partizani bëri një hap fals, tani të mendojmë për derbin! Takaj: Mbijetesa e vështirë për shkak të arbitrave

Barazimi me Apoloninë dhe humbja me Skënderbeun sipas trajnerit të Partizanit Ilir Daja është një hap pas që ka bërë skuadra në luftën për titull.

Humbja kundër Skënderbeut të vendit të fundit ishte një goditje e fortë për Partizanin, që kishte mundesinë të merrte përkohësisht kreun. Në përfundim të ndeshjes trajneri i të kuqve Ilir Daja tha se skuadra energjitë tashmë duhet t’i orientojë për derbin me Tiranën, që luhet të shtunën për javën e 24 të Superligës.

Ilir Daja, trajner i Partizanit: “Në këto dy ndeshjet e fundit kemi bërë një hap mbrapa. Do na duhet që ti harrojmë sa më shpejt këto ndeshje që të futemi në ritëm dhe në lojën tonë, sepse në fundjavë na pret një ndeshje shumë e rëndësishme.”

Për trajnerin e Skënderbeut Migen Memelli kjo ishte fitorja që i duhej ekipit për t’i dhënë shpresë për mbijetesë.

Migen Memelli, trajner i Skënderbeut: “Ka në aspektin moral, psikolgjik sepse morëm tre pikë ndaj një kundërshtari që synon titullin kampion. Ata janë me meritë deri këtu mund ta humbasin ose ta fitojnë sepse ka edhe shumë javë kampionati. Ne do të shikojmë ndeshjen e radhës me Laçin, ndërsa në finale pastaj kemi qëllim që të arrijmë objektivin mos rënien nga kategoria.”

3 pikët ndaj Partizanit e larguan Skënderbeun nga vendi i fundit, por presidenti i korçarëve Ardian Takaj nuk e sheh situatën shumë pozitive. Ai i druhet edhe arbitrave kur pyetet nëse beson që skuadra do t’i shpëtojë rënies nga kategoria.

Ardian Takaj, president i Skënderbeut: “Këta çunat e rinjë e kanë këtë që bëjnë ndeshje të bukra pastaj ndeshje të dobta. Nuk janë të qëndrueshëm përgjatë gjithë kampionatit. Gjithsesi një fitore që ka një sinjal shprese për mbijetesë. Niveli i skuadrave për të mos rënë nga kategoria është më i vështirë, ka probleme shumë të mëdhaje, me arbitrimin.”

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58