Në një deklaratë për shtyp, organizatorët e garës thanë se në trupin e motoçiklistit polak 39-vjeçar nuk ka shenja të jashtme të ndonjë plage, që do të thotë se deri tani bien poshtë aludimet se mund të ketë humbur jetën nga ndonjë aksident.
Për gjetjen e trupit të pajetë të motoçiklistit, përveç kërkimeve nga toka u bënë kërkime edhe nga ajri përmes një helikopteri. Trupi i tij u gjet rreth 300 metra larg rrugës së itinerarit të garës Dakar 2015. Michal Henrik kishte konkurruar më parë në garën në shkretëtirën e Abu Dabit 2014 dhe atë të Marokut 2013.
Në garën e Dakarit 2015, motoçiklisti polak ishte në pozicionin e 84 në renditjen e përgjithshme.
(v.gj/shqiptarja.com)