POP 5

Lajmet më të lexuara të 5 minutave të fundit

Kronikë

Dalin nga Lazarati 35 klandestinë
sirianë, hetohet implikimi i policëve

Tridhjetë e pesë klandestinë janë bllokuar në një operacion të zhvilluar nga Sektori Antitrafik në Drejtorinë e Policisë të qarkut Gjirokastër. Në pranga 3 organizatorët.
Dalin nga Lazarati 35 klandestinë<br />sirianë, hetohet implikimi i policëve
GJIROKASTËR- Tridhjetë e pesë klandestinë janë bllokuar në një operacion të zhvilluar nga Sektori Antitrafik në Drejtorinë e Policisë të qarkut Gjirokastër.
 
Operacioni kundër klandestinëve sirianë është ndërmarrë në aksin Gjirokastë-Tepelenë.

Klandestinët kanë dalë nga Lazarati në një kamion të mbyllur, ndërsa ishin drejtuar për në veri të vendit, me destinacion kufirin në Malin e Zi.
 
Pas një hetimi të kryer nga drejtoria e Forcës së Posaçme Operacionale, policia e Gjirokastrës ka bërë të mundur arrestimin e 3 organizatorëve të këtij trafiku, të cilët ishin nga Lazarati dhe Tepelena.
 
Policia ka marrë në pyetje tre organizatorët, ndërsa dyshohet se bëhet fjalë për një grup të strukturuar kriminal të trafikut klandestin.
 
Ndërkaq, dyshohet se ka implikim të disa efektivëve të policisë lokale, pasi kamioni kaloi pa probleme postbllokun e “Ujit të ftohtë”.
 
Redaksia online
(e.s/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51