Dy pushues të mbytur dhe 26 të tjerë të shpëtuar nga policia dhe rojet bregdetare është bilanci i ndryshimit të papritur të kushteve atmosferike në vendin tonë. Pavarësisht se moti ka bërë që deti të jetë i trazuar dhe me dallgë të mëdha shumë pushues i janë drejtuar plazheve duke neglizhuar sinjalistikën e flamujve të kuq që ndalon hyrjen në ujë.
Konkretisht ditën e sotme një 33-vjeçar i quajtur, Besmir Margjekaj ka ndërruar jetë tek Gjiri i Lalëzit. Ai ka qenë duke udhëtuar me motor uji dhe pasi është rrëzuar, është mbytur. Mësohet se në momentin e ngjarjes në këtë zonë plazhi nuk ka pasur roje bregdetare, ndërsa ai është dërguar në spital nga disa pushues të tjerë por nuk ka arritur të mbijetojë. Ndërsa në plazhin e Durrësit një pushuese 50-vjeçare ka ndërruar jetë pasi ajo është futur në det për t'u larë, por nuk është ndjerë mirë. 50-vjeçarja është dërguar në Spitalin Rajonal Durrës, ku ka ndërruar jetë.
Ndërkohë po sot, në plazhin e Velipojës janë arritur të shpëtohen 22 persona në disa aksione të ndërmarra nga policia dhe nga rojet bregdetare. Fillimisht janë shpëtuar një grup prej 5 personash nga Shkodra dhe nga Kosova të cilët rrezikuan të mbyteshin në grykëderdhjen e Vilunit në lagunën e Rrjollit. Në po të njëjtin vend janë shpëtuar edhe 9 turistë çek. Po kështu rojet bregdetare në plazhin e Velipojës kanë shpëtuar një grup prej 7 personash të cilët rrezikuan të merreshin nga dallgët dhe u rrezikua seriozisht jeta e tyre.
Më parë gjatë ditës së sotme po në Velipojë u shpëtua një 28-vjeçar nga Kosova. Vrojtuesi Eldi Hasani, ish portier i ekipeve zinxhir te akademise Vllaznia, ka shpëtuar turistin 28-vjeçar i cili e ka transportuar në breg duke i dhënë ndihmën e parë mjekësore deri sa më pas në vendngjarje ka mbërritur ndihma e specializuar mjekësore.
Ndërsa një vajzë 9-vjeçare është shpëtuar nga rojet bregdetare në zonën afër Rrapit tek Uji i Ftohtë në Vlorë. Si pasojë e dallgëve edhe në plazhin e Sarandës është shpëtuar një person tjetër që rrezikoi mbytjen. Ndërkohë, po në Vlorë janë shpëtuar babë e bir.
Po për shkak të dallgëve të forta, ditën e sotme në portin e Vlorës, është pezulluar lundrimi i mjeteve me mbi 12 pasagjerë.
Eldi Hasani, ish-portieri i Vllaznisë i cili shpëtoi një turist
Kjo e dielë supozohet të ishte një ditë normale pushimi, ku turistë të shumtë do ishin duke pushuar në plazh duke shijuar rrezet e diellit në këto ditë korrikut. Por moti, papritmas mori një kthesë të fuqishme. Nga një javë e karakterizuar me temperatura të larta, kjo e dielë solli erëra të fuqishme. Kjo VIDEO-LIVE nga Skyline webcams na ndihmon për të kuptuar qartë atë se çfarë po ndodh në Durrës. Shazllonet janë të boshatisura, e ndërsa deti duket i "tërbuar" me dallgë të fuqishme.
Shkon në 26 numri i pushuesve të shpëtuar në det. Ndonëse deti ditën e sotme, ka qenë i "tërbuar" kjo nuk i ka penguar pushuesit të futen në det, duke rrezikuar jetën e tyre. Siç raporton gazetari i Report Tv, në një prononcim për të, roja bregdetare u shpreh se babë e bir kishin shumë minuta që po qëndronin larg bregut.
"Kishin shumë minuta që po qëndronin larg bregut. Djali mezi po qëndronte në sipërfaqe, babai ishte shumë i lodhur",u shpreh roja bregdetare.
7 persona të tjerë janë shpëtuar sërish në plazhin e Velipojës në zonën e Vilunit. Ata kanë rrezikuar të mbyten si pasoje e dallgëve të mëdha në det, por kanë qenë vrojtuesit e plazhit si dhe policia që kanë bërë të mundur shpëtimin e tyre, duke i nxjerrë nga uji.
Ndryshimi i papritur i kushteve atmosferike, ka sjellë një det të trazuar dhe me dallgë të mëdha. Pavarësisht tyre, shumë pushues i janë drejtuar detit si çdo ditë. Madje në kullat e vrojtimit në bregdetet shqiptare janë ngritur flamujt e kuq që tregon se nuk duhet të hyhet në det, pushuesit nuk e kanë zbatuar këtë sinjal.
Policia Kufitare dhe FNSH kanë mundur të shpëtojnë 14 pushues në grykëderdhjen e Vilunit në lagunën e Rrjollit, të cilët rrezikuan mbytjen. Sipas policisë për shpëtimin e këtyre pushuesve janë bërë tre ndërhyrje. Fillimisht janë ndihmuar 5 persona nga Shkodra e Kosova të cilët më pas janë transportuar në spital dhe janë jashtë rrezikut për jetën.
Po në grykën e Vilunit janë shpëtuar edhe 9 persona Çekë të cilët kishin ngelur të izoluar dhe në momentin që donin të kalonin grykëderdhjen e Vilunit, jeta e tyre u vu në rrezik. Falë ndërhyrjes së Policisë të 9 shtetasit kanë dalë në breg pa asnjë problem për jetën.
Njëkohësisht edhe në Sarandë, Policia Kufitare ka shpëtuar një pushues i cili u rrezikua të mbytej si pasojë e dallgëve të detit. Kujtojmë se ditën e sotme për shkak të motit të keq në det ka patur dallgë të mëdha. Një 33-vjeçar i cili po bënte xhiro me një motor uji ka humbur jetën në Gjirin e Lalëzit për shkak se ka rënë në det. Po kështu një pushuese në plazhin e Durrësit ka ndërruar jetë për shkak të problemeve me zemrën.
Lajme të tjera
-
VIDEOLAJM/ Moti i keq në Itali, rajoni i Toskanës nën pushtetin e ujit
19 Tetor, 17:55 -
Nesër reshje në Shkodër e Lezhë, tre ministra dakordësojnë masat parandaluese me kryebashkiakët: Inspektoni hidrovoret dhe pastroni kanalet
8 Tetor, 21:18 -
Dëshmitë/ Vlora nën ujë, banorët me lot në sy rrëfejnë përmbytjet për Report Tv: Uji si vullkan, na shkatërroi gjithçka! S'iu përgjigjën thirrjeve për ndihmë
5 Tetor, 11:03 -
Përmbytjet shkatërrojnë bizneset në Vlorë, pronari i një farmacie: 100 mijë euro dëm, uji arriti gjysmë metri! Biznesmenët: Shteti të marrë masa
5 Tetor, 09:28 -
Përmbytjet në Vlorë/ 33 familje kaluan natën në konvikt! Rrugët të kalueshme, problem garazhet Vëngu: Dëmshpërblim për banesat, për bizneset do shikohet gjetja e një formule
5 Tetor, 07:23 -
Moti i keq/ Vlora nën ujë, 3 orët e frikës dhe kolapsit! Përmbyten rrugë, lagje, qendra historike e spitali! Dëme në biznese e banesa! 33 familje të evakuuara! Kryetari i bashkisë: Situata ishte alarmante! Ushtria në ndihmë
4 Tetor, 15:56
-
Reshje shiu e rrebeshe në gjithë vendin! Ja kur do jetë kulmi i stuhisë, Gjoni: Qarqet e rrezikuara Shkodra, Kukësi, Dibra, Tirana dhe Vlora
4 Tetor, 12:08 -
U pezullua për shkak të motit të keq, nis lundrimi i trageteve nga Durrësi drejt Italisë! I Barit mbërrin në 13:00, i Ankonës në mesditë
4 Tetor, 08:07 -
Moti i keq godet Japoninë/ Stuhi dhe përmbytje katastrofike 1 i vdekur, 7 të zhdukur (VIDEO)
21 Shtator, 21:35 -
Dielli iku, kjo fundjavë me shi e shtrëngata', Anira Gjoni për Report Tv: Temperaturat ulen me 2 gradë, i ngrohti kthehet në tetor
13 Shtator, 14:11 -
Moti i keq/ ARRSH paraqet situatën në rrugë
13 Shtator, 11:06 -
Moti i keq/ Era e fortë 'shkul' pemët në Shkodër, dëmtohet një makinë (FOTO+VIDEO)
13 Shtator, 08:39
