Dallimi mes mushkërive të pacientëve me COVID të vaksinuar dhe atyre të pavaksinuar (VIDEO)

KOSOVË- Me qëllim që të rrisin numrin e të vaksinuarve në Kosovë, ndërkohë që rastet e reja kanë njohur shifra rekord, Ministria e Shëndetësisë ka publikuar një spot ku evidentohet dallimi në mes mushkërive të pacientëve të vaksinuar dhe atyre të pavaksinuar.

Eksperët janë të gjithë dakord se kush është i vaksinuar kalon një formë të lehtë të virusit dhe më me pak dëme në trupin e njeriut.

“Shoqëria jonë nuk ka pse të ndahet mes të vaksinuarve dhe të pavaksinuarve, të sëmurët me COVI do të kalojnë një formë të lehtë të sëmundjes duke mos pasur nevojë që të shkojë në spital dhe të rrezikojnë humbjen e jetës. Personat e pavaksinuar do mund të kalojnë një formë të rëndë të sëmundjes për shkak të prekjes së madhe të mushkërive, Vaksinohuni që ky imazh i mushkërive të mos jetë imazhi i mushkërisë suaj. Dallimi në mes mushkërive të pacientëve të vaksinuar dhe atyre të pavaksinuar! Vaksinimi është detyrë qytetare dhe vetëm përmes vaksinimit mund të mbrojmë vetën, familjen dhe vendin”, shkruhet në njoftimin e Ministrisë.

LEXO EDHE:
Qeveria e re e Serbisë me qëndrime të vjetra ndaj Kosovës

Kosova ka njohur një rritje të “frikshme” të rasteve të reja me COVID-19 ku gjatë 24 orëve të fundit janë konfirmuar pozitiv 932 persona, e ku në total janë 26.525 raste aktive. Nga ana tjetër janë regjistruar 20 viktima, duke bërë që Kosova të vihet në listën e vendeve jo të sigurta.

B.K./Shqiptarja.com

TAG:
• kosove
• Koronavirus