Kosovë/ 20 viktima në 24 orët e fundit! Mbushen kapacitet e spitaleve, nga nesër ambulancat në QKUK do shërbejnë vetëm për pacientë me COVID

Situata epidemiologjike në Kosovë vazhdon të jetë tejet e rënduar, ku gjatë 24 orëve të fundit janë shënuar 20 viktima nga COVID-19. Ndërkohë që në vend janë raportuar edhe 932 raste të reja të infektuara. Në vend numri i rasteve aktive është 26.525.

Mëngjesin e sotëm Shërbimi Spitalor dhe Klinik Universitar i Kosovës (SHSKUK), është theksuar se ditët e fundit ka pasur një rritje të madhe edhe të shtruarve në spitale. Aktualisht 1.142 janë të shtruar në spitale.   Sipas raportit ditor, 60 pacientë janë në kujdes intensiv, ndërkaq 1.062 janë duke u trajtuar me oksigjeno-terapi.

Më 29 gusht kanë hyrë në fuqi masat e reja kufizuese, të cilat sipas Qeverisë së Kosovës, kanë për qëllim frenimin e përhapjes së mëtejme të koronavirusit.

Rendit zhvillimet sipas orarit:
Ora 14:18
Mbushen kapacitet e spitaleve në Kosovë, nga nesër ambulancat në QKUK do shërbejnë vetëm për pacientë me COVID-19

Duke nisur nga dita e nesërme, për shkak të rritjes së numrit të pacientëve që po marrin trajtim të specializuar në Qendrën Klinike Universitare të Kosovës (QKUK), të gjitha ambulancat do të vihen në dispozicion të qytetarëve me COVID-19.

Njoftimi u bë me dije nga Shërbimi Spitalor dhe Kllinik Universitar i Kosovës (SHSKUK) përmes një postimi në 'Facebook', ku theksohet se kjo masë është marrë perkohësisht deri në një stabilizim të situatës.

"Shërbimi Spitalor dhe Klinik Universitar i  Kosovës,  njofton të gjithë qytetarët se për shkak të rritjes së numrit të të spitalizuarve me COVID-19,  në klinikat e QKUK-së, me Vendim të Komitetit për ngritje të gatishmërisë dhe menaxhimit të situatës me COVID-19, nga data 31 gusht 2021, pezullohet përkohësisht puna në ambulancat specialistike në QKUK. Hapësirat e ambulancave specialistike do të shërbejnë për spitalizim të pacientëve me COVID-19.

Apelojmë tek qytetarët e Republikës së Kosovës që në QKUK dhe në spitalet rajonale, të drejtohen vetëm për rastet urgjente. ShSKUK, kërkon falje dhe mirëkuptim nga pacientët duke iu siguruar se menaxhmenti i ShSKUK-së është duke bërë të pamundurën për t’iu ofruar shërbimin shëndetësor të gjithë pacientëve në nevojë.Në të njëjtën kohë ju apelojmë që të vaksinoheni dhe të respektoni masat anti-COVID, në mënyrë që sa më shpejt të tejkalohet kjo situatë", njofton ShSKUK.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të vendosen kufizime për personat e pavaksinuar?



×

Lajmi i fundit

John

Aleanca e Turqisë me Emiratet e Bashkuara ka rritur ambicien e Erdogan, 'shpëtimi' i vetëm i krizës Izrael-Palestinë