Pas shkarkimit si ministër i Energjetikës, deputetit Damian Gjiknurit, i është besuar detyra e Sekretarit për Çështjet Zgjedhore në Partinë Socialiste, post i cili do të koordinojë në punën për reformën zgjedhore. Propozimi i kryeministrit Edi Rama mori votat unanime sot në mbledhjen e kryesisë së Partisë Socialiste. Më herët këtë detyrë e mbante Bledi Çuçi, po për shkak të emërimit të tij si ministër i Bujqësisë, tashmë posti i është besuar Gjiknurit.
Në përfundim të mbledhjes së kryesisë, kreu i grupit parlamentar të Partisë Socialiste Taulant Balla, shprehu besimin se edhe deputetët e rinj të opozitës, do të kontribuojnë për reformën zgjedhore.
"Gjiknuri është zgjedhur drejtuesi i një procesi të rëndësishëm që kam besim që në kuvend me deputetët e rinj të opozitës, me të gjitha partitë të çojmë në një draft përfundimtar të reflektojë rekomandimet e OSBEE, dhe të ketë certifikimin e ODIHR. Misioni i ODIHR është në Tiranë, nesër do të ketë takime me partitë politike", tha Balla.
Zgjedhjet lokale të 30 qershorit po afrojnë tha Balla, duke shtuar se po bëhen të gjitha përgatitjet për këtë proces. Ai tha se ka besim se edhe Partia Demokratike do të marrë pjesë në zgjedhje dhe nuk do t'i bojkotojë ato, pasi duhet tu përgjigjet votuesve të saj.
"Nuk e besoj kurrë që PD nuk do të marrë pjesë në zgjedhje, por besoj se ajo do t’i bindet votuesve të vet për të marrë pjesë në garën për menaxherët vendore. Kodi e ka parashikuar edhe rastin e vakancës zgjedhore", tha Balla.
Shumë shpejt tha Balla do të kemi gati emrat e 61 kandidatëve për të garuar në zgjedhjet lokale të 30 qershorit 2019. Për listat, - tha ai - konsultat janë bërë me qytetarët për të zgjedhur emrat që i përfaqësojnë ata më së miri.
"Përzgjedhja është nisur mes konsultime para 8 muajsh, jemi në aleanca bashkëqenieje me njerëzit, kemi bërë konsultim me komunitetet. Kemi lista kandidaturash alternative në 61 bashki, sot ende vijon proces vlerësimi mes sondimit të kandidaturave në komunitet për të arritur në më përfaqësuesit dhe garantojnë mirëqeverisjen vendore. Procesi është drejt përfundimit, do kemi gati shumë shpejt 61 kandidatët tanë", tha Balla.
Partia Demokratike reagoi menjëherë ndaj këtij vendimi, duke thënë se Gjiknuri është model i blerjes së votës dhe person që duhej të hetohej për dosjen numër 184, ku prokuroria po heton për shit-blerje të votave.
"Edi Rama rikonfirmon vullnetin për zgjedhje të blera dhe të kapura nga ai. Ky model do shkulet nga qytetaret qe po tregojnë çdo dite e me shume qe janë shumica, qe nuk kane frike nga diktatori i ri, qe do rikthejnë demokracinë ne ketë vend. Nuk do ketë më zgjedhje me modelin “Dosja 184” as “Dosja 339” as “Dosja Habilaj”!, tha në një reagim zëdhënësja e Partisë Demokratike Ina Zhupa.
Më 23 maj Partia Socialiste do të mbledhë Kongresin e partisë, ku pritet që ndër të tjera, të shpallet edhe lista e këshilltarëve bashkiakë vetëm për Tiranën, ndërsa këshilla e kryeministrit Edi Rama nga mbledhja e kryesisë, ishte që të nisin diskutimet nëpër bashki për përzgjedhjen e kandidaturave për këshillin bashkiak në të gjitha qarqet. Tre shtyllat ku do të mbështeten diskutimet në kongres janë; shembujt e qeverisjes lokale, bashkëqeverisja dhe Pakti për Universitetin. Kongresi do të jetë i ndarë në tre sesione të ndryshme ku fjalën kryesore do ta mbajë kreu i qeverisë, Edi Rama.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
OSBE trajnon gjyqtarët dhe prokurorët e ardhshëm mbi trafikimin e qenieve njerëzore
6 Dhjetor, 14:15
