Një i ri shqiptar është ekzekutuar me armë zjarri në Danimarkë. Ngjarja e rëndë ka ndodhur një ditë më parë, ndërsa viktimë ka mbetur 16-vjeçari Servet Abdija. Policia bën me dije se adoleshenti është goditur me disa plumba në rrugën Ragnhildagde, në Kopenhagen të Danimarkës, duke ndërruar jetë në vendngjarje.

Ngjarja ka ndodhur në një rrugë, ku gjatë verës janë shënuar disa incidente të lidhura me krimin e organizuar.

Familja e viktimës prej shumë kohësh banon në Kopenhagen të Danimarkës. Nuk dihen ende shkaqet dhe motivet e vrasjes së të riut, por dyshimet e para të policisë janë se krimin e ka kryer një bandë arabe.

d.c.shqiptarja.com