David Cameron për herë të parë në
Bruksel pas daljes së Britanisë nga BE 

Për herë të parë pas vendimit të Britanisë për tu larguar nga Unioni kryeministri në ikje David Cameron do të takohet me liderët e Bashkimit Europian.

Cameron do të bisedojë me ta implikimet e Brexit dhe rrugën që duhet ndjekur për samitin e Bashkimit Europian në Bruksel.

Ditën e djeshme liderët e Gjermanisë, Francës dhe Italisë u shprehën se në këtë fazë nuk mund të ketë bisedime formale apo joformale për largimin e Britanisë nga Unioni.

Sipas tyre nuk ka kohë për të humbur dhe se BE është mjaftueshëm i fortë për t’i dhënë përgjigjet e duhura vendimit të popullit britanik për të qënë jashtë Unionit.

Cameron do të ketë ketë një darkë pune me liderët e BE-së, pasi të takohet me presidentin e Këshillit Europian Donald Tusk dhe presidentin e Komisionit Europian Juncker.

Për herë të parë Britania nuk do të marrë pjesë në samitin e liderve të BE-së që zhvillohet këtë të mërkurë.

Redaksia Online 
(xh.k/shqiptarja.com)