Partia udhëheqëse e Turqisë, e ka zgjedhur ministrin aktual të jashtëm, Ahmet Davutoglu, si kryeministrin e ri të vendit. Davutoglu e ka zëvendësuar Erdoganin në të dy pozitat, pasi ai është zgjedhur president i Turqisë, ndërsa punën e fillon më 28 gusht.

Erdogan vet e ka bërë njoftimin pas takimit të partisë, për Drejtësi dhe Zhvillim të mbajtur në Ankara. Nominimi i Davutoglu do të zyrtarizohet gjatë një kongresi të partisë më 27 gusht, ndërsa ai do e nis punën një ditë më pas.

Davutoglu, i cili ka punuar si ministër i jashtëm prej vitit 2009, do të ketë më pak fuqi se sa kryeministri aktual, Erdogan.

Erdogan është zotuar se do e thyej traditën e presidencave ceremoniale në Turqi duke i dhënë atij më shumë fuqi. 



Redaksia Online
(g.f/shqiptarja.com)