Të gjithë futbollistët shqiptarë nëpër Europë kanë uruar 28 Nëntorin, ditën e Pavarësisë së Shqipërisë. Nga kapiteni i ekipit kombëtar të futbollit që luan me Lacion, Lorik Cana, Ermir Lenjani, apo edhe futbollistët e tjerë me origjinë shqiptare nga Kosova si Granit Xhaka, Xherdan Shaqiri apo edhe Shkodran Mustafi përmes faqes së tyre në rrjetin social Facebook kanë uruar 102 vjetorin e Pavarësisë së Shqipërisë.
 
Gjakovari që mban shiritin e kapitenit të ekipit kombëtar të futbollit, Lorik Cana shkruan në Facebook “Urime për 28 Nëntorin Shqipëria ime”.
lorik cana
Edhe pse ka marrë shumë etiketime për zgjedhjen e tij, që bëri për të luajtur me Zvicrën duke refuzuar Shqipërinë, lojtari i Bayernit Xherdan Shaqiri përmes një fotoje të publikuar me një shqiponjë në sfond shkruan “Urime 102 vjetorin Shqipëri”.
shaqiri
Një tjetër shqiptar nga Kosova që zgjodhi të luajë me Zvicrën nuk e harron origjinën duke shfaqur patriotizmin sa herë që ka mundësi. E ndërsa Zvicra pak ditë më parë u hoqi të drejtën e festimit me simbolin e shqiponjës kur shënojnë, kjo nuk e ka penguar Xhakën që me rastin e festës të urojë Pavarësinë përmes një fotoje me UÇK duke uruar “Urime festa e flamurit, urime 102 vjetori i Pavarësisë”.
 xhaka
“Urime 28 Nëntorit, festa e Flamurit” shkruan edhe kampioni i botës me Gjermaninë me origjinë shqiptare, Shkdoran Mustafi. Edhe pse i kryëzuar për zgjedhjen, Mustafi gjithmonë ka theksuar se zemrën e ka kuqezi, por ka kritikuar menaxhimin që i është bërë futbollit shqiptar.
mustafi
Nuk kishte si të mungonte edhe urimi i lojtarit më të mirë të momentit shqiptar, Ermir Lenjani që është në qendër të shumë klubeve në Europë. “Gëzuar 28 Nëntorin, festa më e madhe e Shqipërisë” shkruan kosovari.
lenjani
Trajneri De Biasi përmes Facebook ka uruar të gjithë shqiptarët për festën kombëtare. “Me rastin e Pavarësisë së Shqipërisë, dërgoj përqafim të ngrohtë për të gjithë shqiptarët. Një urim special për të gjithë ata që janë larguar nga vendi i tyre për të garantuar një të ardhme më të mirë për familjet e tyre” u shpreh De Biasi, në një postim në profilin e tij në rrjetin social Facebook.


d.b/shqiptarja.com