X

POP 5

Lajmet më të lexuara të 5 minutave të fundit

Sport

De Jong do e ulë në stol, Rakitic në orbitën e 4 skuadrave të mëdha në Europë

Pas 3 skuadrave të mëdha në Europë, për Ivan Rakitic në garë është futur edhe Manchester United. Kroati këtë sezon është pikë kyçe te Barcelona, por afrimi i Frankie De Jong në qershor pritet ta ulë në stol 31-vjeçarin sezonin e ardhshëm.

De Jong do e ulë në stol, Rakitic në orbitën e 4 skuadrave të mëdha në Europë

Ivan Rakitic, futbollisti i Barcelonës, pritet të përjetojë një merkato të nxehtë vere. Në qershor me katalanasit do të bashkohet Frankie De Jong dhe 31-vjeçarin me shumë mundësi sezonin e ardhshëm do ta shohim shpesh në stol.

Ky rrezik është shprehur indirekt nga vetë kroati i cili ka kërkuar rinovimin e kontratës që përfundon pas dy viteve. Duke parë rrethanat opsioni më i mirë mbetet transferimi në një skuadër tjetër, në një kohë kur ofertat nuk mungojnë.

Së fundmi sipas mediave angleze në garë për nënkampionin e botës është futur edhe Manchester United. “Djajtë” janë kandidatë potencial, por për momentin problem mbetet arritja e një vendi që të çon në “Champions” sezonin e ardhshëm.

Më herët Interi ka bërë hapa konkretë duke takuar të vëllain e kroatit, Dejan, por nuk dihet deri në ç’pikë kanë arritur bisedimet. Referuar “Mundo Deportivos” për Rakitic e interesuar është edhe Paris SG, por opsion mund të jetë edhe Bayern Mynchen pasi Rakitic do të ishte i gezuar për një rikthim në Gjermani.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni punën e Gjykatave e Prokurorive në qarqe?

Lajme të tjera



×

Lajmi i fundit

SHBA/ Zhduket vajza minorene e miliarderëve të njohur

SHBA/ Zhduket vajza minorene e miliarderëve të njohur

26 Prill, 10:43