Komisioni Parlamentar i Medias debatoi sot për protestën e 26 majit të opozitës, ku mbeti i lënduar kryeredaktori i RD, Bledi Kasmi. Ky i fundit raportoi përpara deputetëve duke akuzuar policinë se e goditi qëllimisht atë. Ai tha se në ballë të protestës nuk ndodhej si militant, por duke bërë detyrën.
Në kulmin e këtyre debateve, pasi nga ana tjetër maxhoranca akuzoi opozitën dhe gazetarin se ishin pjesë të protestuesve të dhunshëm përpara Ministrisë së Brendshme, nuk munguan as fyerjet mes deputetëve. Ishte socialisti Fidel Ylli i cili hoqi paralele me 21 janarin ku u vranë 4 protesutes, mbeti i plagosur një gazetar, ndërsa 4 të tjerë u shpallën nga ish-kryeministri Sali Berisha si puçistë të tentativës për rrëzimin e pushtetit me dhunë.
Ndërsa deputetja socialiste, Adelina Rista, mbante në duar dy foto me portretet e 4 viktimave të 21 janarit, si dhe qirinj e lule në vendin ku ata u vranë nga plumbat e Gardës së Republikës.
(Deputetja e PS, Adelina Rista nxjerr foton me portretet e viktimave të 21 janarit)
Lajmi kryesor:
U lëndua në protestë, Kryeredaktori i RD para deputetëve: I vura duart rrjetës që të mos e shtynte policia
