POP 5

Lajmet më të lexuara të 5 minutave të fundit

Politikë

E majta humbet shumicën në këshillin bashkiak të Dibrës! Të djathtët mocion për shkarkimin e kryetares Irini Shehu

Ka dështuar për të tretën herë mbledhja e këshillit bashkiak të Dibrës. Pas 5 orësh debate, mbledhja nuk mori në shqyrtim asnjë prej cëhstjeve të rendit të ditës për mungesë kuorumi. Ndërkohë grupi i këshilltarëve të PD paraqiti një mocion për shkarkimin e kryetares së këshillit Irini Shehu, të cilën e akuzojnë se ka falsifikuar vendimet e këshillit dhe ka kaluar në protokoll cështje që nuk janë votuar. 

Ka nisur me debate të forta mbledhja e Këshillit Bashkiak Dibrës dhe pas 5 orësh është mbyllur pa u votuar asnjë pikë e rendit të ditës.

11 këshilltarë dorëzuan në sekretari mocion për shkarkimin e kryetares së këshillit, znj. Irini Shehu, ku e akuzonin se ka kaluar dhe ka regjistruar në protokoll vendime, që nuk janë përmendur në këshill. Këshilltari i pavarur Astrit Ademi akuzoi kryetaren e Këshillit për korrupsion dhe falsifikim të vendimeve të këshillit, për shitje pronash të Bashkisë dhe kalim fondesh pa kaluar fare në votim.

Kryetarja e grupit të djathtë, Alketa Agolli lexoi mocionin me argumentet dhe i kërkoi kryetares t’i lirojë karrigen zv.kryetarit për të vijuar me procesin e votimit të fshehtë, por kjo u pengua nga grupi i PS.

Sakaq kryetarja e keshillit Irini Shehu nuk pranoi te prononcohej per mediat.

Mbledhja u shty për disa orë dhe në fund nuk u mor asnjë vendim për mungesë kuorumi. Partia Socialiste ka vetëm 13 mandate në këshill nga 31 që janë në total. Ndërkohë këshilltarët e djathtë, të PSD së Doshit dhe të partive të vogla lanë sallën. Kjo është hera e tretë rradhazi që dështon mbledhja e këshillit bashkiak Dibër.  Më herët (8 Maj) ata kanë braktisur mbledhjet për shkak se bashkia nuk jep informacion për projektin e HEC-it të Skavicës.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?

Lajme të tjera



×

Lajmi i fundit

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

22 Qershor, 22:56