Tiranë- Po zhvillohet mbledhja e Komisionit të Ekonomisë dhe Financave në lidhje me buxhetin faktik. E pranishme për të shpjeguar shifrat dhe projektet ka qenë ministrja e Infrastrukturës dhe Energjisë, njëkohësisht zv/kryeministrja Belinda Balluku.
Por nuk kanë munguar diskutimet e forta, replikat dhe deri në akuzat drejtuara numrit dy të qeverisë nga opozita, për abuzimet miliona euro në shumë nga sektorët që ajo ka nën administrim si dikaster.
Më kryesoret kanë qenë ato në infrastrukturën rrugore, prokurimet dhe abuzimet financiare te Thumanë-Kashar apo Tuneli i Llogarasë me vlera 50 mln euro të dyshuara abuzim, si dhe në Energji, ku prej kohësh PD akuzon Ballukun për vjedhjet në çmimet e shit-blerjes së energjisë, me një vlerë dëmi 180 mln euro.
Ka qenë deputeti i PD, Edmond Spaho ai që u tregua i drejtpërdrejtë ndaj Ballukut në lidhje edhe me abuzimet. Gazetarja e Report TV, Eliza Gjediku, përcjell një pjesë të debatit dhe akuzave të forta midis Spahos dhe Ballukut për rrugën Thumanë-Kashar dhe Tunelin e Llogarasë.
Pjesë nga debati Spaho-Balluku:
Edmond Spaho- Lum kush të rrojë ta shohë zonjë Shqipërinë, por të gjitha ngelen në kuadrin e projekteve të cilat kjo mazhorancë shquhet ka disa vite dhe këto historira dëgjojmë me porte, aeroporte, rrugë, autostrada dhe nuk është se dua të jem unë nihilist, por ka disa tregues shumë kokëfortë. Dje diskutuam buxhetin faktik 2023, këtu sot po flasim për investimet publike 88% janë realizuar në 2023 dhe është rezultati më i dobët i 4 viteve të fundit dhe në këtë pjesë Ministria juaj ka pjesën e luanit, më pas investimet e huaja vjet 54% rezultati më i dobët që nga 2009 dhe të ketë shpresë që të gjitha këto që po thoni do realizohen.
Po evidentojnë 2 probleme, kostot e rrugëve jo me kot themi rrugë të florinjta, 450 mln euro Thumanë-Kashar me 21 km. E bëtë tenderin e tunelit të Llogarasë, e shpallet kompaninë fituese, anuluat tenderin, e ribëtë me 50 mln euro më shumë.
Belinda Balluku- Po bën deklarata, nuk po bën pyetje, the një gjë të pavërtetë, the që ka kushtuar 450 mln Thumane-Kashar dhe po të pyes do mbash përgjegjësi për këtë? Sapo the që tenderin e shpallet dhe pastaj e anuluat, nëqoftëse këto janë deklarata dhe jo për mbeshtetësit e PD, vazhdo dhe bjeri, the dy gënjeshtra. Unë po të njoftoj që seriozisht këtë radhë kjo nuk është foltorja e katit të 11-të nëse ti nuk do tërhiqesh dhe do thuash i kam gabim informacionet si 450 mln euro Thumanë-Kashar, si dhe për tunelin e Llogarasë, të betohem me këtë video, unë do ta çoj në kallëzim penal.
Jorida edhe ti duhet të kesh kujdes më të pavërtetat, sepse bën zi Zhandarku i të së vërtetës. Sapo u shfaqe dhe na vjen këtu duke buzëqeshur, kujdes ironinë. (Jorida Tabaku sapo hyn në sallën e mbledhjes së Komisionit).
Spaho: Ju çojeni në SPAK, unë po ta përsëris që e dhatë tenderin me 50 mln euro më shumë. Më ço në SPAK. Vetëm kini parasysh një gjë, pasi të mbarojnë inceneratorët do t'i vijë radha kostove të rrugës. Si zonjë, si zv.kryeministri nuk ju shkon të thoni vazhdo bjeri. Sepse sapo i bëtë vërtetje kolegut për një gjuhë më etike.
Balluku: Nuk e di ça të shkon mendje te e rëna juve, sepse ju keni filluar të jeni pak të hapur.
Spaho: Ju kam thënë, ju ndërroni brenda për brenda…mos më lër të shkoj më shumë….Ju thashë për kostot e rrugëve. Para se të na thoni ato mrekullitë e rrugëve, mbaroni ato që keni nisur se janë bërë si rrugët e Penelopës. Rrugën Qukës-Qafë Pllocë që e mbaj mend që në kohën kur Niko Peleshi zv.kryeministër thoshte këtë vit mbaron.
Komente
Lajme të tjera
-
Buxheti i 2025-ës për kulturën, Gonxhe: 55 % më i lartë! Arti dhe trashëgimia, 40 % të gjithë investimeve të MEKI
6 Nëntor, 16:17
-
Pr.buxheti 2025, Tabaku: Rritja ekonomike mbështetet vetëm tek ndërtimi, 0 plane për pensionet
6 Nëntor, 16:02 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Mbyllja e tunelit të Llogarasë, një kamion bllokon aksin e vjetër! Automjetet qëndrojnë në radhë, pritet ndërhyrja e policisë
5 Nëntor, 16:39 -
Pr/buxheti 2025 në Kuvend, nevojë rishikimi skemave sociale, Braçe: Rimbursimi i ilaçeve, skemë korruptive! Ndihmën ekonomike po e marrin ‘Dembelët’
5 Nëntor, 11:28
-
Përfundimi i punimeve, ARRSH: Nga 5 nëntori mbyllet tuneli i Llogorasë
4 Nëntor, 15:31 -
PD jashtë komisioneve ku u diskutua buxheti, Spaho për Report Tv: S’ishte vendim politik, jemi të përjashtuar! Duam qeveri teknike për zgjedhje të lira
4 Nëntor, 14:57 -
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Denoncimi PD: Skemë ‘5D’ edhe te ministria e Belinda Ballukut! Kompania e të afërmve të Blendian Dalipit, tenderë publikë
1 Nëntor, 14:48 -
Bllokuan rrethrrotullimin e Bradasheshit, Gjykata liron nga burgu 3 protestuesit e PD, do hetohen në liri! 3 ende në kërkim dhe 20 nën hetim (LISTA)
31 Tetor, 15:05 -
Protesta e opozitës me bllokimin e akseve nacionale/ Policia çon 16 deputetë të PD-së në SPAK, mes tyre edhe Noka, bllokoi rrugën me mjetin luksoz! 199 protestues në hetim (EMRAT)
30 Tetor, 09:32
Ata që vetë janë hajdutë për ta e gjithë bota janë hajdutë
PërgjigjuPo coje moj zonj O ti ke vjedh dhe duhet te hysh ne burg O ai genjen dhe duhet te hyj ne burg
Përgjigju