POP 5

Lajmet më të lexuara të 5 minutave të fundit

Sherri me PD-LSI në Kuvend/ Rama: Ndjesë për mëkatet tona, por 'kush fle me qenin, gdhihet me pleshtin'

Nga Korça, kryeministri Edi Rama foli edhe për debatet e forta me opozitën në Kuvend javët e fundit. Përpara qytetarëve korçarë, Rama tha se edhe maxhoranca shpesh herë është e detyruar që të sillet si ata brenda sallës së Kuvendit. Rama kërkoi ndjesë për përplasjet e ashpra, por edhe për fjalorin e padenjë nga foltorja e Kuvendit. “Ne nuk kemi problemin si të zgjidhemi, ne kemi problemin si të vazhdojmë të garantojmë që qytetarët të fitojnë më shumë. Ka një shprehje të bukur që thotë “Fituesit merren me fitoren, humbësit merren me fituesin”. Ne merremi me si do të fitojmë përsëri për të fituar më shumë qytetarët, ata merren me ne gjithë kohës. Unë ju kërkoj ndjesë për mëkatet tona të të enjtes, sepse ‘kush fle me qenin gdhihet me pleshtin’. Ditën e enjte, duam apo nuk duam shkojmë dhe futemi te ajo kasollja qenve. Kështu që duam apo nuk duam përzihemi edhe ne me ta dhe nganjëherë dukemi edhe ne si ata. Por një gjë është e sigurtë. Ne nuk jemi si ata. Ne jemi ndryshe”, tha Rama. 


Lajmi kryesor:

Rama konfirmon në Korçë rikandidimin e Sotiraq Filos, flet edhe për debatet me PD e LSI: Kuvendi, kasolle qensh


l.q./r.k./Shqiptarja.com
Komento