Debati i plotë në Komisionin Parlamentar te Medias

HAPET MBLEDHJA

Miratohet procesverbali.
Valentina Lekaj – Të nderuar kolegë, meqenëse ka dalë kalendari i punimeve, pjesa e programit të mbetur, jemi mbledhur për ta shqyrtuar.
Në fakt, nuk është se ka ndonjë gjë konkrete për komisionin tonë, përveç ligjit “Për transmetimet me zë dhe me figurë”, i cili do të mbartet.
Në mbledhjen e fundit që kemi bërë, ne kemi propozuar të thirren për raportim disa ministra për çështje të ndryshme. Është propozuar për ministrin e Kulturës, Rinisë dhe Sporteve dhe për ministrin e Arsimit.
Ne diskutuam pardje me kryesinë e komisionit dhe ramë dakord që në fillim të thërrasim ministrin e Kulturës, Rinisë dhe Sporteve, zotin Bumçi. Unë dje diskutova me të për kohën e mundshme dhe 1 tetori është data më e përshtatshme për ta thirrur. Ai do të raportojë për tri çështje: të stadiumit, të dopingut dhe të lojërave olimpike, problemet që derivojnë nga aktiviteti i lojërave olimpike.
A jeni dakord? Në rregull.
Ftesa e dytë është për ministrin e Arsimit, meqenëse ka filluar edhe vitit i ri shkollor. Na fakt, ka edhe shumë shqetësime, duke filluar me tekstet, ambientet dhe lëvizjet e mësuesve. Prandaj mendoj ta thërrasim në 10-ditshin e parë të muajit tetor. Natyrisht, edhe në këtë rast, duhet të rakordohemi me ministrin që të jetë një ditë kur ai të ketë mundësi të vijë, sepse mund të qëllojë në mbledhje qeverie apo jashtë vendit.
Për këtë çështje kemi rënë dakord në parim në mbledhjen e mëpërshme të komisionit, kështu që mbetet për t’u fiksuar vetëm data.
Besoj se stafi po i shënon për të bërë një projektkalendar, sepse po shoh që kanë bërë një projekt.
Çështja e tretë, ndoshta nuk ka nevojë për t’u futur në kalendarin 3-javor të komisionit, është vetëm për t’ju informuar. Është një letër që ka ardhur nga ministrja e Integrimit për një seminar, që propozohet të bëhet nga BE-ja, konkretisht nga drejtori për Ballkanin, zoti Pier Mirel, i cili propozon që të bëhet një seminar për lirinë e medias në Shqipëri, nisur nga dy elemente:
Së pari, dekriminalizimi, deri në atë masë që është bërë, i veprës së shpifjes dhe fyerjes me ndryshimet në Kodin Penal dhe Civil.
Së dyti, në lidhje me projektligjin “Për transmetimet me zë dhe me figurë” dhe me problemet e lirisë së medias në Shqipëri në përgjithësi.
Unë në cilësinë e kryetares së komisionit do t’i kthej edhe një përgjigje ministres së Integrimit.
Ka një propozim që kjo të bëhet në datën 6 nëntor. Sigurisht, nuk është se jemi vetëm ne të pranishëm, është ministria, operatori publik, KKRT-ja dhe të gjithë aktorët e interesit, shoqatat e gazetarëve apo ato të të drejtave të njeriut dhe të medias. Gjithashtu do të jetë i pranishëm drejtori për shoqërinë civile dhe median që është në Parlamentin Europian, të cilin e kam takuar para disa kohësh.
A keni ndonjë gjë në lidhje me këto çështje?
Zoti Ylli, urdhëroni!

Fidel Ylli – Ngaqë e kaluat pikën e dytë nuk pata mundësi të thosha diçka. Meqë do të thërrasim ministrin e Arsimit, a mos duhet specifikuar, siç i kemi thënë ministrit të Kulturës, se problematika që po e thërrasim në komision është për këto çështje? Unë do të doja që ministri i Arsimit të na jepte një shpjegim në lidhje me situatën e zgjedhjeve. Ne duam të dimë si është situata, a do të vazhdojë përsëri kështu edhe këtë vit shkollor? Mos ndoshta duhet të na japë edhe një rezyme në lidhje me ato që e kemi thirrur në komision edhe dy herët e kaluara?

Valentina Leskaj – Për sa i përket seminarit unë kam rënë dakord për datën 6 nëntor.
Për sa i përket thirrjes së ministrit të Arsimit, ne e kemi vendosur edhe herën e fundit, meqenëse është fillimi i vitit të ri shkollor ta fillojmë me këtë çështje. Kjo nuk na pengon ta thërrasim edhe për këtë që thoni ju. Por është mirë që ne ta thërrasim veç për arsimin e lartë dhe veç për parauniversitarin. Në qoftë se i grumbullojmë të gjitha çështjet në një, nuk besoj se ka shumë eficiencë, prandaj është mirë t’i ndajmë. Kështu që, mund ta propozojmë si një pikë tjetër për të thirrur ministrin e Arsimit për këtë çështje. Pa dyshim që do t’i shkojë shkresa, ashtu si edhe në rastin e parë, për çështjet që përmenda unë, për të cilat jemi të interesuar të dëgjojmë.
Po, zoti Dalipi.

Alfred Dalipi – Meqë do të zhvillohet seminari për lirinë e medias, unë, si anëtar i Komisionit të Medias, por edhe si një nga relatorët e ligjit, besoj se atje do të kemi mundësinë të shprehim pikëpamjet tona për zhvillimin e medias në Shqipëri. Një nga çështjet, që është trajtuar edhe në Raport-Progreset e Bashkimit Europian, ka qenë ajo e përdorimit të medias nga politika, sidomos suportimi dhe klientelizmi gjithmonë, jo vetëm tani, sepse flasim për këta 20 vjet, i qeverive në raport me fondet publike që atashojnë në funksion të medias. Për të qenë më i saktë: nëse ai seminar ka përcaktuar edhe datën, unë dëshiroj të kem një informacion zyrtar lidhur me disa deklarata publike të bëra nga deputetë të Kuvendit të Shqipërisë, të cilat kanë gjetur hapësirë në shtypin e përditshëm. Konkretisht, bëhet fjalë për alokimin e fondeve publike, të fondeve qeveritare në funksion të mediave të caktuara. Në 3 vjetët e fundit të Raport-Progresit, por edhe të raporteve të Departamentit Amerikan të Shtetit dhe BE-së, është parë si një mundësi që qeveria të përzgjedhë media të caktuara që i ka klasifikuar si media qeveritare. Konkretisht, dëshiroj t’i drejtojmë një kërkesë zyrtare ministrit të Brendshëm për ta na dhënë një informacion për procedurat ligjore që janë përdorur për prokurimin e fondeve publike qeveritare për reklamat që janë bërë tek operatorët radiotelevizivë, shumat që janë prokuruar, objektin për të cilin janë prokuruar, si dhe kriteret e përzgjedhjes së këtyre operatorëve. Kjo do ta ndihmonte shumë komisionin, meqë jemi komision përgjegjës, për të qenë sa më autoritarë dhe sa më profesionalë në konkluzionet dhe në deklarimet që do të bëjmë këtu, por edhe për të ndërmarrë ndonjë hap të mëtejshëm. Nëse janë bërë abuzime, lindin hapësira për komisione hetimore. E njëjta kërkesë për procedurat, për shumat e prokuruara, për objektin e prokurimit dhe për kriteret që janë përzgjedhur për këtë duhet t’i bëhet edhe Ministrisë së Mbrojtjes. Kjo bëhet edhe nga një shkak, pa pasur asnjë ngarkesë politike, sepse ne mund të ngarkojmë me përgjegjësi papasur informacion zyrtar nga ata vetë. Ta zëmë Presidenti Nishani. Mund të kërkojmë me përgjegjësi në deklaratat tona publike në komision, por edhe para komisionerit, të drejtorit të Përgjithshëm dhe të zotit Mirel, i cili do të vijë në seminar, sepse besoj se do të krijohet një hapësirë aty për të folur edhe për çështjen e përdorimit të fondeve qeveritare në mediat e pavarura. Gjithashtu, mund të ngarkojmë me përgjegjësi, pa pasur informacion zyrtar nga këta vetë, për shembull nga kryetari i bashkisë Basha, për ato fonde që janë prokuruar gjatë detyrës së tij si ministër i Brendshëm. Mund të ngarkojmë me përgjegjësi ministrin aktual të Mbrojtjes Imami për 2,5 milionë dollarë, të cilat janë firmosur nga ai. Mund të ngarkojmë po kështu edhe ministrin e Turizmit, Aldo Bumçi, apo paraardhësin e vet, Xhaferrajn. Unë i kërkoj komisionit që ne, nisur nga bërja publike e këtyre shifrave, të cilat për vetë zhvillimet në Shqipëri dhe vetë specifikat që ka


Bona File 4 media 19.09.2012
....një detyrim i funksionit të deputetit.
E dyta, unë e kërkova për të qenë sa më profesional dhe sa më i drejtpërdrejtë në konkluzionet që mund të nxjerr nesër në një tryezë që do të monitorohet dhe do të organizohet nga Bashkimi Europian. Nëse unë nuk do të kem procedurat ligjore, nuk do të kem mediat që kanë sponsorizuar dhe kanë reklamuar, unë nuk mund të flas atje apriori.
E treta dhe e katërta, në rastin konkret, ajo që unë po kërkoj lidhet me një fushë specifike ku ne jemi përgjegjës. Po flas se cilat janë kriteret e përzgjedhjes së mediave. Në dijeninë time, kriteri bazë është audienca. Si kemi arritur ne të alokojmë fonde të veçanta në një media apo në shumë media? Kjo është detyrë dhe kërkesë që mund ta bëjmë dhe ta monitorojmë vetëm ne. Nuk mund ta bëjë komision tjetër.
E pesta, për ta mbyllur, nëse unë do të kem dokumentacionin e duhur, kjo do të më çojë në ushtrim e funksionit tim si parlamentar, ngritjen e një komisioni hetimor lidhur me përdorimin dhe shpërndarjen e këtyre fondeve, por unë po e bëj në mënyrë institucionale. Po them: “Po kërkoj një herë, pavarësisht dokumentacionit, po e kërkoj zyrtarisht nga këto dikastere, për të mos ngarkuar me përgjegjësi, hiq ministrin dhe Presidentin e Republikës, zotin Bujar Nishani, për të mos ngarkuar me përgjegjësi...
(Ndërhyrje pa mikrofon.)
Këto po i them, sepse nuk dua që t’i bëj apriori, pavarësisht bindjes sime si përfaqësues i opozitës. Këto i kërkoj dhe e kam detyrim funksional. Po e kërkoj zyrtarisht, për shkak se shifrat janë të frikshme. Alokimi dhe shpërndarja janë bërë në mënyrë të pabarabarta. Kjo do të më çojë mua nesër në konkluzionin që qeveria ka përdorur paratë e shqiptarëve për t’i bërë reklamë vetes në mënyrë selektive.
(Ndërhyrje pa mikrofon.)

Valentina Leskaj – Po, zoti Hoxha.

Ismail Hoxha – Nuk dua të zgjatem me këtë diskutim që po bëhet.
Unë mbështes propozimin e zonjës Gjonaj që, para se të vijë ministri i Arsimit, do të jetë mirë që të kemi një relacion për përgatitjen, por dhe për problematikën që kanë universitetet. Kjo do të jetë një ndihmesë për ne, për të ballafaquar dhe për të parashtruar përpara ministrit problematikën e universiteteve.
Për pikën e dytë, unë jam dakord me atë që thotë zoti Dalipi në të drejtën e tij si deputet për t’i kërkuar të gjitha ato që dëshiron, por nuk e shoh të arsyeshme që ne si komision të marrim këtë nismë dhe të thërrasim këtu ministritë, sepse, siç tha edhe zonja Gjonaj, zbatimi i ligjit më tepër mund të jetë çështje e auditit. Në qoftë se deputeti do të ketë informacione të tjera, që i takojnë komisionit tonë për sa i përket zbatimit të ligjit, dakord, por për momentin unë shoh që ai si individ mund të kërkojë vetë. Gjithsecili prej nesh, për çdo gjë që mendon, mund të kërkojë.

Valentina Leskaj – A mund të sqaroj dy gjëra?
Së pari, e hapëm kot debatin për arsimin e lartë. Le të mbarojmë pjesën e parë, që ministri i Arsimit të vijë dhe të raportojë këtu për arsimin parauniversitar, pra për të gjitha problemet që ka fillimi i shkollës, duke filluar nga tekstet, sepse ka fëmijë që akoma mungojnë, nga ndërtesat dhe nga lëvizjet e qytetarëve që është bërë një shqetësim i madh në të gjithë Shqipërinë dhe po bëhet kaotik. Kështu që le të mbarojmë me këtë më përpara.

(Ndërhyn zonja Gjoni pa mikrofon.)
Ardiana, në qoftë se nuk ke qenë në komision, nuk është problemi im. Unë thashë: ka shpërndarë stafi një fletë. Nuk është detyruese për komisionin ajo çfarë shpërndan stafi. Ne diskutuam dhe vendosëm që të thirret për arsimin parauniversitar.

(Ndërhyrje pa mikrofon.)
Në thamë që do të vijë për arsimin parauniversitar. Diskutimi për pjesën e dytë është kot. Kur të diskutojmë për arsimin e lartë, atëherë vendosim kë do të thërrasim bashkë me ministrin dhe çfarë do të kërkojmë. Kjo është e qartë.
Për sa i përket çështjes së medias, po jap mendimin tim. Në të gjitha raportet ndërkombëtare jo rastësisht çështjen e reklamës shtetërore e fusin te kapitulli i medias (shikoni raportin e DASH-it dhe të agjencive të tjera të specializuara për lirinë e medias). Pse? E fusin aty sepse ka të bëjë me lirinë e shprehjes, pra me lirinë e medias. Ne vetëm nga kjo perspektivë duhet të kërkojmë informacion dhe jo nga perspektiva ekonomike, që me të drejtë ju e përmendët. Nëse mediat vihen në mënyrë të pabarabartë në treg cenohet liria e tyre. Ketë perspektivë do të diskutojmë në komision. Këtu nuk u bë fjalë për të thirrur ministrat, por u propozua që të kërkojmë informacion me shkrim për pjesën e kompetencës që na takon neve dhe ministrive, të cilat janë të lidhura me këtë çështje.
Zoti Toçi, urdhëroni!

Fatmir Toçi – Unë e quaj të ezauruar atë që thatë ju në lidhje me ministrin e Arsimit. Edhe pse zonja Ardiana mund të ketë të drejtë, kjo nuk e përjashton aspak thirrjen në raport të ministrit të Arsimit për problemet e fillimit të vitit të ri shkollor dhe në radhë të parë për sistemin parauniversitar. Ministri nuk është dorëjashtë edhe për problemet e universiteteve. Tani, kur ka filluar një pjesë e arsimit dhe jemi në prag të fillimit të arsimit të lartë, është normale dhe momenti i duhur.
Në lidhje me propozimin e deputetit për fondet, të cilat janë akorduar për reklamat, unë desha të shpreh mendimin tim. Nuk jemi ne komisioni që mbulojmë institucione të caktuara të arsimit, të kulturës, KKRT-në dhe nuk jemi as hetuesi, por jemi komision që merremi me problemet e arsimit, të kulturës, të sportit, të mediave dhe të të gjitha problemeve në çdo cep të vendit.
Unë nuk e kuptoj qëndrimin tuaj, kur media po zien nga fakti, ku as qeveria dhe as dikastere të veçanta, që janë akuzuar për shpërdorim të fondeve për reklamat, nuk po kundërshtojnë, dhe ju nuk shqetësoheni.
Ne jemi komisioni që merremi pikërisht me pjesën se ku kanë shkuar këto reklama. Akuza është në radhë të parë abuzim për fondet publike dhe, së dyti, për preferenca në përdorimin e fondeve në agjenci të caktuara private pranë qeverisë, në shërbim të saj dhe në media që i bëjnë të njëjtin shërbim qeverisë.
Ne kërkojmë informacion. pasi duhet të jemi të gjithë të shqetësuar, që të mos flasim kot. Ky informacion duhet të vijë nga burimi, sepse vërtet kanë dalë dy dikastere, por pritet të dalin të gjitha dikasteret e shtetit që kanë abuzuar me fondet për reklamat, me politika preferenciale.
Unë e quaj shumë të drejtë që komisioni nuk mund të jetë dorëjashtë, pasi e ka detyrë të merret edhe me këtë problem.
Faleminderit!

Valentina Leskaj – Komisioni duhet të veprojë brenda kompetencës së tij dhe unë këtë thashë. Më duket se edhe zonja kryetare këtë gjë tha për lirinë e medias, e bëri sqarimin se cila është kompetenca. Unë nuk thashë që nuk është e drejtë, por unë thashë për probleme të procedurave të prokurimit e tjera, është komision tjetër që mund të merret.

(Ndërhyrje pa mikrofon.)
Pra, problemi mund të ndahet: për procedurat, për auditimet është komision tjetër që merret, nuk mund të merremi ne.

(Ndërhyrje pa mikrofon.)
Unë thashë se problemi është i ndarë: për lirinë e mediave, për klientelizmat është e drejtë e këtij komisioni dhe kompetencë e tij; për procedurat e prokurimeve dhe të auditimeve janë komisione të tjera dhe ju mund t’u kërkoni kolegëve tuaj që ta ndjekin këtë gjë.
Të gjitha palët jemi të interesuara për transparencë, për ndershmëri, për ligjshmëri.
Po, zoti Marku!

Mark Marku – Për problemin e çështjes së reklamave, e para, një herë po flasim për abuzim ndërkohë që ju kërkoni informacion. Në qoftë se ju keni informacion dhe thoni se ka abuzime, do të thotë se informacionin e keni dhe nuk ka nevojë që ne të kërkojmë informacion.

(Ndërhyrje pas mikrofon.)
A po flisni për abuzimin, atëherë kjo është.

(Ndërhyrje pa mikrofon.)
Nuk të ndërpreva.

(Ndërhyrje pa mikrofon.)
Ju folët për abuzim, në qoftë se thoni që ka abuzim, do të thotë se ju nuk keni nevojë për informacion, se e keni. Kështu që tërhiqni fjalën, ku thatë se ka abuzime dhe kërkoni informacion. Pastaj pas informacionit do të themi se nëse ka apo jo, sepse ne deri tani kemi disa shkrime, disa akuza për këtë çështje dhe disa deklarata. Kështu që ne jemi akoma në kuadrin e një çështje që po diskutohet. Nuk e di nëse është apo jo e vërtetë, ka apo nuk ka abuzime.

(Ndërhyrje pa mikrofon.)
Nga një anë ju po thoni se ka shpërdorime, nga ana tjetër, thoni që duam informacion. Ose ju flisni kot, ose e dini dhe kërkoni kot informacion, se unë nuk e kuptoj.
E dyta, çështja e përdorimit të reklamave, normalisht që është një problem, se të gjitha mediat duhen të trajtohen në mënyrë të barabartë, sepse kjo është pjesë e lirisë së shtypit dhe të medias. Problemi është se procedurat e dhënies së reklamës janë të përcaktuara me ligj dhe në momentin kur verifikohen shkelje ligjore, çdo institucion mediatik ka të drejtë të ankimohet dhe t’u drejtohet institucioneve, prokurorisë, gjykatës e tjerë.
Kam përshtypjen se po shndërrohemi në gjykatë. Ne nuk jemi gjykatës, çdo deputet ka të drejtë të kërkojë informacion normalisht, le ta kërkojë.
Për pjesën e shkeljes së procedurave ligjore, kolegët e Komisionit të Ligjeve mund të kërkojnë informacion, por nuk jemi ne që mund të bëjmë verifikimin e procedurave ligjore. Ne verifikojmë si komision funksionimin e institucioneve si KKRT-ja, Këshilli Drejtues i Radiotelevizionit e tjerë, nuk merremi me mënyrën se si institucionet shtetërore shpërndajnë buxhetet e tyre, është çështje që e përcakton ligji nuk mund ta përcaktojmë ne. Ajo çështje që ka dalë në opinion publik, nuk fshihet në qoftë se është diçka e tillë, siç pretendohet. Ne nuk mund të bëjmë hetime, se nuk kemi ekspertizën e duhur.

Valentina Leskaj – Dua të them vetëm një gjë, që çdo komision parlamentar e ka detyrë monitorimin e zbatimit të ligjit dhe në këtë rast vetëm për kaq bëhet fjalë: monitorim i zbatimit të ligjit që ka të bëjë me të drejtën, le të themi që ka të bëjë me barazinë përpara ligjit nga të gjithë operatorët për sa i përket çështjes së reklamave. Pastaj hetimin nuk e bëjmë ne, nuk diskutohet.

Mark Marku – Kushdo mund të kërkojë informacion për mënyrën si janë përdorur fondet publike, por kini parasysh këtë mund ta bëjë çdo deputet, por në rastin konkret, mund ta bëjë një komision, por nuk është ky komisioni përgjegjës. Çdo deputet mund ta bëjë këtë, të kërkojë informacion, është gjë shumë e thjeshtë. Pse duhet që diçka që mund ta bëjë çdo deputet në veçanti, ta bëjmë ne si komision, ta përcaktojmë në procedurë?

Valentina Leskaj – ... kërkon një informacion komisioni.
(Mungesë regjistrimi.)
E hedhim në votë, por të mbarojnë një herë zonja Bulku dhe zoti Dalipi që kanë kërkuar fjalën, pastaj votojmë.
Zonja Bulku, keni fjalën.

Rajmonda Bulku – Për sa i përket shkresës që duam t’i bëjmë Ministrisë së Arsimit, bie dakord me zonjën Gjonaj, që të marrim edhe ne një informacion tjetër, që kur ta kemi këtu të jemi më të informuar.

Valentina Leskaj – Zonja Bulku, nga do ta marrim informacionin?

Rajmonda Bulku – Për çfarë do ta pyesim? Do ta lëmë atë ligjërojë...

Valentina Leskaj – Zonja Gjonaj e kishte fjalën për arsimin e lartë, kurse tani po diskutojmë për parauniversitarin.

Rajmonda Bulku – Të vijë një herë dhe ne të jemi koshientë për çfarë duhet ta pyesim.
(Ndërhyrje pa mikrofon.)
E di unë, kam dëgjuar shumë se sa koshientë jeni, megjithatë, është puna juaj.
Për sa i përket të dytës, asnjë nuk na pengon që ne të marrim një informacion, aq më tepër që është edhe ky lloj seminari, që mund të jetë i dobishëm për ne, për të qenë sa më të plotë.
Mendoj se ne nuk duhet të shfrytëzojmë mediat për të nxirë dhe për të thënë gjëra të këqija që, edhe ato janë thashetheme. Ky është absurdi i një njeriu që pret të diskutojë për gjëra më të drejta dhe më madhore se sa të thotë një thashetheme dhe pastaj të marr një informacion se sa i vërtetë është ky thashethem.
(Diskutime pa mikrofon.)
Mark Marku – E kam për procedurë, që mos të vazhdojmë kështu, sepse po bëjmë debate pa vlerë. Ne si kryesi, sipas procedurave të komisionit, jemi mbledhur dhe kemi biseduar për këtë rend dite.
(Ndërhyrje pa mikrofon.)
Unë mendoj që për çështjet e rendit të ditës të mblidhemi dhe të diskutojmë prapë.
(Diskutime në sallë.)
Valentina Leskaj – Në fakt, ne diskutuam për rendin e ditës, por si në çdo mbledhje të komisionit deputetët kanë të drejtë të bëjnë propozime, ta rrëzojnë ose ta miratojnë propozimin që kemi bërë si kryesi. Vetëm këtë po bëjmë.
Po, zoti Dalipi.
Alfred Dalipi – Jo për të dhënë përgjigje, por dua të jem i saktë, sepse jashtë këtij komisioni i thashë se duhet ndërmarrë kjo iniciativë, nuk thashë mbi abuzimet, por mbi fakte. Zoti Marku, më lini të shpjegohem. Nuk e bëra deklaratën mbi shqetësime apo mbi abuzime, por mbi një fakt të kryer nga bërja publike e tabelës së thesarit të shtetit mbi pagesat. Thesari i shtetit, te deklarimet e veta online, ka përcaktuar datën se kur ka bërë likuidimet lidhur me shuma të caktuara, 310 milionë, 25 milionë, 715 milionë apo 215 milionë. Pra i ka bërë zyrtare dhe për këtë zyrtarizim të përdorur në fushën e medies unë kërkova një informacion (nuk e kërkova mbi atë që the ti qëparë, pra mbi abuzimet). Unë si ligjvënës nuk kam informacion mbi përdorimin dhe ligjshmërinë e këtyre fondeve. E kam shumë të qartë që këpucari bën këpucë, kurse rrobaqepësi qep rroba. Unë bëra një kërkesë, dhe është legjitime për një ligjvënës të kërkojë informacion, me qëllim që të mos bëj deklarata në një tryezë me përfaqësuesit e BE-së për një person të lidhur me këtë çështje dhe të akuzuar, për Presidentin e Republikës që ka qenë ministër i Brendshëm. Për kryetarin e bashkisë. Prandaj ta thashë dhe po ta përsëris: Ti duhet të më mbështesësh në kërkesën time që këto institucione duhet të japin informacione.
Mark Marku – Zoti Dalip tha që thesari i shtetit i ka bërë publike, përderisa i ka bërë publike çfarë informacioni kërkojmë ne. Ti kërkon informacion që është botuar në gazetë. Të dhimbset 200 lekësh-i për të blerë gazetën?
(Ka debat në sallë.)
Alfred Dalipi – Çfarë logjike është kjo? Jo nuk kanë dalë në gazetë as procedura, as përzgjedhja, as selektimi, unë thjeshtë po kërkoj informacion.
Fidel Ylli – Zoti Marku, ju lutem, se kur vijnë disa momente kur duhet të jemi të gjithë të shqetësuar për medien dhe korrupsionin, që ka shkuar aty ku nuk shkohet më, ne merremi me procedurat. Po të shohim një letër që ka ardhur nga stafi thuhet se do të thirret ministri në komision për problemet e turizmit, ndërkohë që unë kam ngritur shqetësimin për këtë olimpiadë, që është një markë Shqipërisë, për faktin që janë kapur 18 njerëz nga kjo federatë me doping, kam ngritur shqetësimin për ata fëmijë që gënjen Kryeministri në mes të ditës bashkë me ministrin, kur thotë “Do ta shembim, Do të nxjerrim fonde. Ja të shohim sportin.”, e në fund të vitit i kalojnë në një fushë tjetër. Nuk do të thotë se, meqenëse nuk është e shkruar këtu, ministri të thotë “Nuk më keni thënë”. Prandaj jemi këtu, pavarësisht kësaj letre, që ta përcaktojmë. Përveç problematikës së sportit unë ngrita një shqetësim, sepse i keni thirrur dy herë përfaqësuesit e Ministrisë së Arsimit. Tani do të fillojnë mësimin universitetet, por nuk është zgjidhur problemi i zgjedhjeve. Ka një vit e gjysmë ajo shkollë pa zgjedhje dhe nuk merr dot vendim senati për investimet dhe futjen në shkollë.
Valentina Leskaj – Ka një propozim. Të mbyllim pjesën e parë, sepse ramë dakord për të thirrur ministrin e Kulturës për të 3 çështjet. Për stadiumet, për dopingun dhe për lojërat olimpike ne kemi rënë dakord edhe për datën. Gjithashtu ramë dakord për të thirrur edhe ministrin e Arsimit, për çështjet e arsimit parauniversitar. Problemi është te propozimi i ri që u bë, për të kërkuar një informacion lidhur me reklamën shtetërore, nëse mediat janë trajtuar në mënyrë të barabartë apo jo. Çështja e thesarit nuk ka të bëjë me ne.
Cili është dakord me këtë propozim, që ne të kërkojmë një informacion nëse mediat janë trajtuar në mënyrë të barabartë në çështjet e reklamës? Ne kemi një orë që po diskutojmë për këtë çështje. Kaq. Nëse komisioni nuk është dakord, deputeti t’i drejtohet në mënyrë individuale ashtu siç e lejon e drejta dhe Rregullorja e Kuvendit.
Po, zoti Hoxha.
Ismail Hoxha – Për procedurë. Ne diskutuam dje dhe ky problem nuk doli. Shkëmbyem dhe kishim mendime të ndryshme. Doli sot. Unë mendoj se për procedurë nëse del ky problem, duhet ta shikojmë si kryesi, pastaj duhet ta shtrojmë...
Valentina Leskaj – Një minutë! Zoti Toçi, të mbaroj një herë unë! Ka një Rregullore se si funksionon parlamenti. Kryesia e komisionit konsultohet paraprakisht. Ne jemi konsultuar dhe kemi konkluduar për dy pikat e para që i thashë. Nga deputetët është bërë një propozim. Askush, as unë, as kryesia nuk mund të ndalojë deputetët të bëjnë një propozim në komision. Propozimi votohet. Këtë praktikë kemi bërë gjithmonë për çdo propozim. Biem dakord ose jo. Kaq.
Po, zoti Marku.
Mark Marku - Deri tani në të gjitha rastet, të gjitha datat e mbledhjeve kanë qenë me konsensus. Ne të bëjmë një mbledhje, për të marrë një vendim.
(Diskutime pa mikrofon nga salla.)
Valentina Leskaj -... ju nuk jeni dakord nuk ka asgjë të keqe.

/Shqiptarja.com