Debati mes analistëve, Burimi: Ke problem me Berishën, e ke të lexueshme urrejtjen! Demalia: Po të jetë i aftë ta rrëzojë Ramën, por vendit i duhet opozitar i besueshëm

Analistët Genc Burimi dhe Ilir Demalia janë përplasur për Sali Berishën dhe mënyrës se si po tenton të përballet me qeverinë. Të ftuar në Report Tv në emisionin ‘Studio Live’ me gazetarin Arbër Hitaj, Demalia tha se duhet të ketë një opozitar të besueshëm për të rrëzuar Edi Ramën.

Në kundërhstim me të, Genc Burimi i tha se nuk po e lënë Sali Berishën të marrë PD dhe e cilësoi analistin Demalia si person që ka urrejtje ndaj ish kryeministrit sepse nuk flet me fakte. Demalia argumentoi se Berisha e ka të pamundur të fitojë përballë Ramës se humbjet e tij kanë qenë të shpeshta gjatë viteve të fundit.

Ndërsa Burimi u shpreh se më 25 prill, dyshja Berisha Basha ishte shumë pranë fitores por Rama bëri lëvizje të shpejtë duke i lënë sërish në opozitë.

Demalia: Unë mendoj që Gjergji Hani nuk është konkurrent se nuk ka as staturën. Të kandidosh për kryetar të një partie, prit kush je. Ai mund të jetë njeri shumë i mirë por nuk janë këto që e bëjnë të marrë një detyrë për të rrëzuar Edi Ramën. Ky njeri nuk më thotë asgjë që t’i referohem diku. Në këtë garë s’ka konkurrencë, Luli do të jetë kryetar, s’ka nevojë të bëhet gara. Problemi është të mos humbim kohë me formalizma. Difekti i kësaj gjendje që kemi sot janë ndryshimet kushtetuese në 2008 që krijuan këtë autokraci dhe vendosën kryetarokraci nëpër parti. Duhet të ketë një opozitar të besueshëm.

Burimi: Ti ke një problem obsesional me Berishën. Në këtë kuadër bëhesh i pabesueshëm se e ke kaq të lexueshme urrejtjen ndaj besueshme por në analizë, kjo të humbet pikë.

Demalia: Nuk kam urrejtje se s’kam gjë personale. Unë them që me Berishën është i pamundur rrëzimi i Ramës dhe muri ku mbështetet Rama është Berisha. Edhe nesër po të jetë i aftë le të dalë kryeministër Berisha.

Burimi: Mbi ç’bazë reale thua që me Berishën nuk rrëzohet Rama?

Demalia: Në politikë është shumë më e lehtë të mos jesh provuar e të hysh dhe të jesh provuar disa herë e të hysh prpa. Unë mendoj se e ka të pamundur.

Burimi: Shkencërisht, partia Berisha-Basha ishin 2 gishta larg fitores me 25 prill. Doli që Rama kishte bërë bastardi kur ndryshoi Kushtetutën sapo doli nga oborri i Kim dhe patronazhistët.

Teksa Genc Burimi u shpreh se amerikanët po bllokojnë demokracinë se nuk po e lënë PD në dorë të Berishës, Demalia i tha se ky i fundit është i lirë të bëjë politikë dhe u shpreh se problemet nuk vijnë nga SHBA.

A.M./r.k./Shqiptarja.com

TAG:
• sali berisha
• ilir demalia
• genc burimi