Debati pa mikrofon Rama-Dogjani-
Paloka: Unë përshesh..., po ti ha...

Gjatë fjalës së tij  në Kuvend, kryeministri Rama debatuar me deputetë të opozitës, kryesisht Edi Palokën dhe Asllan Dogjanin. Shqiptarja.com iu sjell më poshtë të zbardhur debatin që nuk dëgjua nga mikrofoni i Parlamentit.
 
Debati pa mikrofon në Parlament
Edi Rama: Kështu siç e keni nisur, besoj vërtet se nuk keni parë gjë akoma e çfarë nuk do shihni në këtë parlament.
Edi Paloka: Atë e besojmë dhe ne.
Asllan Dogjani: Lëri llogjet. Mbaj fjalën që u ke dhënë shqiptarëve për rilindje ekonomike.
Taulant Balla: Ulu ti, ulu.
Asllan Dogjani: Mos më thuaj ti ulu.
Edi Rama: Ti Asllan, me atë emër që ke ik dhe apliko për nënshtetësi gjermane.
Asllan Dogjani: Jam krenar për emrin tim.
Edi Rama: Është e lehtë të kthehesh nga shqiptar në gjerman. Sidomos kush ka ikur nga Ps tek PD, e ka të thjeshtë këtë punën e shtetetësisë.
Sali Berisha: Vazhdo punën, lëri fjalët.
Edi Paloka: Ka filluar fushatën ky
Edi Rama: Me ty besoj e mbylla herën e fundit me përsheshin. Nuk di sa e ke kohën sot. Sa përshesh do hash në darkë.
Edi Paloka: Unë përshesh...po ti ha atë....atë që e dinë të gjithë që e ha përditë
Edi Rama: Përshesh me garuzhde të madhe madje, se jeni dy në një tenxhere.
Edi Paloka: Ty të duhet të ndihmosh veten kur arrin në shtëpi...
Asllan Dogjani-Valentina Leskajt: Kam një kërkesë
Edi Rama-Dogjanit: Ti ik në ambasadë gjermane. Atje bëji kërkesat, jo këtu.
Asllan Dogjani-Ramës: Ik ti në Gjermani se mbase të pranojnë se ke emër abstrakt.

Asllan Dogjani:Rama foli si në fushatë elektorale
Pasi ka lënë fjalën kryeministri Rama, deputeti Asllan Dogjani ka marrë fjalën për replikë duke u shprehur se fjalimi i Ramës iu duk si në fushatë ku ka thënë vetëm mashtrime.

"Do të dëshiroja të thoja se ato që Rama të ishin të vërteta. Por çdo gjë që u tha si në fushatën elektorale. Nuk është informaliteti njësoj si aksioni i energjisë. Por shumë shpejt edhe ti do ta kuptosh kur t’iu kthehet mbrapsht si bumerang. A ju thoshe ti qytetarëve mos i blini kasat fiskale se po ju vjedhin. Ky kryeministër nuk mund T’i mashtrojë më. Ti nuk ke parë asgjë akoma nga qytetarët shqiptarët do të përzënë para zgjedhjeve."- tha deputeti Dogjani.


Redaksia Online
(Shqiptarja.com)