POP 5

Lajmet më të lexuara të 5 minutave të fundit

Kultura

Debati për Butrintin, banorët ngrihen në protestë, specialisti i mjedisit: Fitimet e parkut janë 2 milionë euro në vit, ndaj qeveria do t’ia japë privatit

Përfaqësues të opozitës kanë mbledhur qytetarët e Sarandës dhe Ksamilit në një protestë modeste kundër marrëveshjes së Ministrisë së Kulturës për menaxhimin e parkut të Butrintit nga fondacioni shqiptaro-amerikan.

Dhjetëra qytetarë kanë protestuar këtë të premte kundër marrëveshjes për administrimin e Parkut Kombëtar të Butrintit nga fondacioni Shqiptaro-Amerikan (AADF).

Protestës i janë bashkuar përfaqësues të opozitës, por dhe specialistë të cilët kanë punuar ndër vite në këtë Park. Mes tyre, specialisti i Mjedisit dhe njëherësh anëtar i Partisë Socialiste, Kristo Kauri, ka shpjeguar arsyet e  protestës.

"Parku i Butrintit është pasuri e mbrojtur nga UNESCO dhe kemi nënshkruar konventën e Parisit, neni 74 thotë se trashëgimia kulturore e natyre është detyre kushtetuese e qeverisë për ta ruajtur e menaxhuar dhe s’ka të drejtë t’ia kalojë privatit. Ata të fondacionit nëse duan të na ndihmojnë le të marrin dhe të investojnë në parkun e Finiqit që nuk mbrohet nga UNESCO, por që ka të njëjtat mite, por të ardhurat e Finiqit janë 100 mijë euro në vit, ndërsa të Butrintit 2 milionë euro në vit, ndaj duan ta marrin".

Manjola Cikuli, kryetarja e PD Sarandë është shprehur se i jam bashkuar protestës si qytetare.

"Butrinti na dhemb të gjithëve sot duhet të mbrojmë vlerat kulturore ne vijmë këtu si qytetar dhe jo si matrapazët që duan të japim trashëgiminë e kombit me koncesion. Kjo është e turpshme!".

Aktualisht projektligji “Për administrimin e nënzonave të trashëgimisë kulturore dhe peizazhit kulturor, pjesë e Parkut Kombëtar të Butrintit” po shqyrtohet në komisionet parlamentare dhe pritet të kalojë për votim në Kuvend. Ky draft është kundërshtuar nga opozita.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46