Debati/ Vangjel Tavo thirrje për debat publik Bledi Çuçit: Zgjidh ditën dhe orën!

“Ka humbur ekuilibrin mendor”, kështu iu përgjigj Bledi Çuçi akuzave të Vangjel Tavos për blerje të votave në Gjirokastër, qark ku të dy ata kandidojnë për deputetë.

Ndërkohë, Tavo ka reaguar duke e ftuar Çuçin në një debat publik, e duke i lënë këtij të fundit të zgjedhë ditën dhe orën.

Kujtojmë se disa ditë më parë, Tavo bëri një kallëzim në Prokurori ndaj një personi, për të cilin thotë se i ka përdorur emrin dhe ka shkuar në disa shtëpi banorësh për të ofruar para në këmbim të votës.

Tavo tha se ky individ është kurdisur nga ‘Rilindja’ dhe se ka shkuar në disa lagje dhe shtëpia banorësh duke përdorur emrin tij, duke u shtirur e gënjyer sikur është i dërguari i tij, duke pyetur banorët se kush janë familjet në nevojë që t’u japë para dhe t’u blejë votën.

Lajmi kryesor:

Çuçi takime në Tepelenë, i përgjigjet Vangjel Tavos: Ka humbur ekuilibrin mendor si kryetari i vet, LSI do të ndëshkohet me votë

TAG:
• LSI
• PS
• Gjirokaster
• Bledi Cuci
• Vangjel Tavo
• Fushate elektorale
• zgjedhjet parlamentare 2021