POP 5

Lajmet më të lexuara të 5 minutave të fundit

Sport

Debutoi me fitore te Milani dhe pret Interin në finale, Conceiçao: S'dhashë puthje në dhomat e zhveshjes

Milani fitoi 2-1 me përmbysje kundër Juventusit dhe do jetë në finalen e Superkupës së Italisë ndaj Interit, sfidë që luhet të hënë.

Debutoi me fitore te Milani dhe pret Interin në finale, Conceiçao: S'dhashë puthje në dhomat e zhveshjes

Sergio Conceiçao

Arabi Saudite - Milani fitoi 2-1 me përmbysje kundër Juventusit dhe do jetë në finalen e Superkupës së Italisë ndaj Interit, sfidë që luhet të hënë.

Dueli ishte më shumë se emocionues për Sergio Conceiçaon, trajnerin e ri të Milanit që debutoi me fitore në ndeshjen e parë. Veç këtij momenti, emocionues fakti se trajneri kishte përballë si rival të birin, Franciscon, me përqafimin në fund që nuk mund të mungonte.

Pas ndeshjes trajneri i Milanit tha se nuk kishte emocione dhe pas 45 minutave të para nuk përqafoi asnjë lojtar në dhomat e zhveshjes.

"Mund të them se pas 45 minutave të para, në dhomat e zhveshjes nuk iu kam dhënë puthje lojtarëve. Jam zemëruar pak, sepse nuk po bënin në fushë atë që kishim përgatitur. Kjo gjë më zemëroi pak. Po e jetoj këtë moment me një grup të përulur, një grup të mirë lojtarësh.

Ndonjëherë mungon pak ajo ‘egërsia’ e mirë për të arritur diçka më shumë, por me kohë do ta arrijmë. Lojtarët kanë nevojë për një fjalë të bukur, por edhe për ndonjë ‘shkundje’. Nuk jam shumë simpatik, nuk më pëlqen të përqafoj njeri. Më shumë janë herët kur zemërohem sesa e kundërta.

Për lojtarët, e rëndësishme është të punojnë mirë dhe të kenë shumë energji pozitive. Është një grup me cilësi, jam shumë i kënaqur me grupin, sepse e ka pranuar mesazhin dhe një trajner që nuk buzëqesh shumë. Kjo më kënaq, sepse unë jam këtu jo për të bërë miq, por për të fituar. Kjo është më e rëndësishmja", tha portugezi.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Janar, 17:13

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

PS ktheu Majkon në Tiranë, Berisha: Kriminel i madh elektoral, i përgjuar nga SHIK me trafikantë në tavolinë

PS ktheu Majkon në Tiranë, Berisha: Kriminel i madh elektoral, i përgjuar nga SHIK me trafikantë në tavolinë

6 Janar, 13:22