Në fillimvitet e demokracisë ai u largua si të gjithë bashkë krahinasit e tij pothuajse, për një jetë më të mirë në Tiranë.
Ka vdekur në vitin 2004,ende i ri,në moshën 62 vjeçare.
Në mendjen e banorëve të qytetit "Bajram Curri", në vitet 70-të e 80-të të shekullit të kaluar, Gjeloshi kujtohet me respekt , jo vetëm si mjeshtër në profesionin e tij të këpucarit në ndërmarrjen komunale, por si aktor i talentuar, i cili ka luajtur në disa filma të Kinostudios "Shqipëria e re".
Në foton e vetme që paraqitet, ai aktron në rolin e një personazhi kryesor në njërin prej filmave të viteve tetëdhjetë.
Për Gjeloshin flasin ende sot e kësaj dite me respekt jo vetëm punëtorët me të cilët ka punuar dekada, por edhe me njerëzit e thjeshtë, intelektualët, krijuesit dhe mbi të gjitha njerëzit e artit e të kulturës, njëri nga të cilët e më i respektuari ishte Gjelosh Mark Dedndreaj.
Ai ishte artist i lindur dhe mjeshtër i artit skenik.
Prej vdekjes së tij kanë kaluar 12 vjet dhe dhe 74 vjet nga lindja, por asnjë fjalë, asnjë titull apo medalje nuk është për të.
Madje askujt nuk i është kujtuar aktori i talentuar që dha shumë e s’mori asgjë.
Përveç të tjerave, ka interpretuar në qytetin e tij, ”Bajram Curri”, rolin e Kopshtarit në dramën "Ne emër të lumturisë" të Ismail Hoxhës në vitin 1969 ,duke vijuar më pastaj me rolin e kuestorit në dramën "Qielli i kuq" të Tefik Çaushit, Jonuz Brugës në dramën "Familja e peshkatarit" të Sulejman Pitarkës 1976, rolin e Brung Trolit në dramën "Përmbytja e madhe" e Kolë Jakovës 1977, Çel Krosi në dramën "Fundi i një bande" të Gjovalin Gjokës 1978, Bacën në dramën "Baca i Gjetajve" të Fadil Krajës 1979, Xha Banushin në dramën "Doktori pacient" të Ruzhdi Pulahës, Plakun e Urtë në dramën "Gjaku i Arbrit" të Fadil Krajës.
Ka luajtur në filmat "Rrugë të bardha","Shembja e idhujve" dhe "Nusja", në dokumentarin për fëmijë kushtuar Bajram Currit,1982, në TVSH si dhe në dhjetra e dhjetra estrada nga trupat amatore të ndërmarrjeve të ndryshme të asaj periudhe dhe në pallatin te kulturës "Dardania", duke u duartrokitur ngrohtësisht.
E veçanta e aktorit Gjelosh Marku ishte se në rolet që ka luajtur, pothuajse në të gjitha ka luajtur në rolet kryesore,diçka e veçantë edhe për mjeshtrit e mëdhenj të skenës dhe ekranit.
Gjelosh Marku mban medaljen "Naim Frashëri" dhënë nga Kuvendi Popullor në vitin 1979. Siç kujtojnë bashkëkohësit e tij,ai ka qënë mbi të gjitha një qytetar dhe njeri jashtëzakonisht i rrallë për shoqërinë e tij.
Ja se ç’shkruan kolegu dhe i miku i tij Azem Baliaj: “ Ne ditarin tim ka mijëra shenime për të gjithë miqtë dhe kolegët e mi të skenës të "ikur" e të gjallë, për të cilët do shkruaj diçka patjetër në të ardhmen,por Gjelosh Marku mbetet ajka e Tropojës i cili dha shumë dhe s’mori asgjë”.
Redaksia Online
(F.T/shqiptarja.com)