Vijon zbarkimi i mjeteve e ushtrisë amerikane në Portin e Durrësit, në prag të stërvitjes së NATO-s.
Ministri i Mbrojtjes, Niko Peleshi ka publikuar një video nga porti i Durrësit ku shihet fluksi i madh i mjeteve ushtarake, një përqendrim që zyrtarët amerikanë thanë se nuk është parë në vendin tonë që nga Lufta e Dytë Botërore.
Peleshi shkruan se tashmë gjithçka është gati për të çelur "stërvitjen e përbashkët më të madhe"
"Nga porti i Durrësit ku vazhdon me ritëm zbarkimi i trupave dhe mjeteve amerikane. Gjithçka gati për të çelur stërvitjen e përbashkët më të madhe, të zhvilluar në Shqipëri, nga ushtria amerikane dhe forcat tona të armatosura në kuader te NATO, Defender Europe 21", shkruan Peleshi.
Manovrat Defender-Europe këtë vit kanë përfshirë rreth 28,000 forca amerikane, aleate dhe partnere nga 27 vende për të kryer operacione të njëkohshme në më shumë se 30 zona trajnimi në më shumë se 12 shtete, nga Balltiku dhe Afrika në Detin e Zi dhe Ballkan.
Përveç ofrimit të gjashtë bazave detare, tokësore dhe ajrore, Shqipëria, anëtare e NATO-s që nga viti 2009, do të angazhojë 1000 trupa në këtë stërvitje.
Ambasada amerikane i ka uruar mirëseardhjen në Shqipëri 3 gjeneralëve amerikanë, Jeffrey Harrigian, Christopher Cavoli dhe Tod Wolters, të cilët do të asistojnë në nisjen e 'DefenderEurope21', stërvitjes më të madhe ushtarake në Ballkanin Perëndimor.
“Ne i urojmë mirëseardhjen Gjeneralit Tod Wolters, Komandant i Komandës Europiane të Shteteve të Bashkuara të Amerikës dhe Komandant Suprem i Aleatëve Europian të NATO-s; Gjeneralit Jeffrey Harrigian, Komandant i Forcave Ajrore të Shteteve të Bashkuara të Amerikës në Europë – Forcave Ajrore Afrikë, si dhe Komandës Ajrore Aleate; dhe gjeneralit Christopher Cavoli, Komandant i Ushtrisë së SHBA në Evropë dhe Afrikë. Tri Gjeneralët me katër yje mbërritën sot në Shqipëri për të asistuar në nisjen e #DefenderEurope21, stërvitjes më të madhe ushtarake në Ballkanin Perëndimor. #KrahperKrah”, shkruan Ambasada.
Një para nisjes së stërvitjes “Defender Europe 21”, Ministri i Mbrojtjes, Niko Peleshi priti në një takim Komandantin e Ushtrisë Amerikane në Europë dhe Afrikë, Gjeneral Christopher Cavoli.
Teksa i uroi mirëseardhjen në Shqipëri Gjeneral Cavolit, Ministri Peleshi e njohur atë me masat e marra nga vendi ynë për mbarëvajtjen e kësaj stërvitjeje të rëndësishme.
Sipas Peleshit, kjo stërvitje do të shërbejë si gur themeli për çuarjen përpara dhe intesifikimin e stërvitjeve dypalëshe, Shqipëri-SHBA.
Gjithashtu, ai konfirmoi gatishmërinë e palës shqiptare jo vetëm për të rritur prezencën në stërvitjet e tjera Defender jashtë kufijve, por dhe për të mirëpritur serinë e Defender-it ’23 dhe ‘25 në të ardhmen, po në Shqipëri.
Ministri Peleshi falënderoi Gjeneral Cavolin për mbështetjen që SHBA kanë dhënë dhe vijojnë të japin për modernizimin e Forcave të Armatosura të vendit tonë, me qëllim rritjen e nivelit të tyre të gatishmërisë, operacionalitetit dhe ndërveprueshmërisë, për të qenë në lartësinë e sfidave të sigurisë dhe mbrojtjes të kohës në të cilën jetojmë.
Nga ana e tij, Gjeneral Cavoli vlerësoi masat e marra nga vendi ynë, si vend pritës, për zhvillimin dhe arritjen e objektivave të stërvitjes Defender Europe ‘21. Ai nënvizoi rëndësinë që kanë stërvitjet dhe trajnimet e përbashkëta, të cilat rrisin nivelin e ndërveprueshmërisë ndërmjet aleatëve.
Stërvitja Defender 21 është cilësuar si një mundësi e shkëlqyer që ushtarakët shqiptarë dhe ata amerikanë, të stërviten së bashku në mënyrë që, ata do të jenë të aftë që në të ardhmen të përballojnë sfidat, po së bashku.
Më tej, Gjeneral Cavoli siguroi ministrin Peleshi se Komanda e Ushtrisë Amerikane në Europë, do të vijojë të planizojë dhe zhvillojë stërvitje të përbashkëta me FA, si dhe do të mbështesë në vijimësi procesin e modernizimit të tyre.
.jpeg)
Niko Peleshi me Komandantin e Ushtrisë Amerikane në Europë dhe Afrikë, Gjeneral Christopher Cavoli
Ceremonia e pritjes për Komandantin e Ushtrisë Amerikane në Europë dhe Afrikë, Gjeneral Christopher Cavoli
Komente
Lajme të tjera
-
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Shefi i NATO-s konfirmon prezencën e trupave koreano-veriore në Rusi: Përshkallëzim i madh për luftën në Ukrainë
28 Tetor, 14:04 -
‘Shpresoj që Perëndimi të ketë dëgjuar paralajmërimin”/ Putin: Nëse Kievi përdor raketa me rreze të gjatë, ne do të përgjigjemi
27 Tetor, 13:31 -
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
NATO: Situata e sigurisë në Kosovë është ende e paqëndrueshme
25 Tetor, 19:32 -
Neptun Strike 24-2/ NATO shpalos forcën me 15 mijë trupa, stërvitje e përbashkët me anijet luftarake edhe në ujërat shqiptare 14 milje larg Sazanit
25 Tetor, 11:37
-
Lufta në Ukrainë/Zelensky: Bisedimet e paqes me Moskën do të varen nga zgjedhjet në SHBA
22 Tetor, 16:40 -
Gjermania përuron selinë detare të NATO-s në Detin Baltik
22 Tetor, 15:59 -
Ministrat e mbrojtjes të G7 mbështesin përpjekjet e Ukrainës për anëtarësim në NATO
19 Tetor, 21:18 -
Rutte: Do të punojmë që KFOR të ketë forcat e nevojshme për të mbajtur mjedis të sigurt në Kosovë
18 Tetor, 17:39 -
Raundi i ri i dialogut Kosovë-Serbi, javën e ardhshme
17 Tetor, 17:56 -
Ministri Pirro Vengu merr pjesë në Ministerialin e NATO në Bruksel, në fokus investimet në kapacitete dhe teknologji të reja
17 Tetor, 15:56
Jemi mësuar. Nuk i di numrat e saktë po nuk ma do mendja të jenë më shumë se 'ALBA' ose 'PELIKAN'. Sa për t'i thënë që nuk është se kemi pritur Amerikën për të parë ushtri e tanke rrugëve.
PërgjigjuMËMA NA ARMATOSET...ME KËMBË TË MBARË....SHPRESOJMË QË QËLLIMI TË JETE: VAJTJA TEK MOLLA E KUQE....TË NA ROJ MËMA SHQIPËRI
Përgjigju