POP 5

Lajmet më të lexuara të 5 minutave të fundit

Politikë

"Degjenerimi" i Kuvendit, Rama
Metës: Ndrysho rregulloren

Degjenerimi i vazhdueshëm i seancës plenare ka bërë që kryeministri Edi Rama t’i kërkojë kryetarit të Kuvendit Ilir Meta, që të ndryshojë renditjen e çështjeve që diskutohen në rendin e ditës dhe të vendos në krye të saj diskutimet jashtë rendit të ditës. Rama i bëri apel opozitës që të mbajë një qëndrim konstruktiv në parlament dhe të mos bllokojë seancat.
Metës: Ndrysho rregulloren">
TIRANE- Degjenerimi i vazhdueshëm i seancës plenare ka bërë që kryeministri Edi Rama t’i kërkojë kryetarit të Kuvendit Ilir Meta, që të ndryshojë renditjen e çështjeve që diskutohen në rendin e ditës dhe të vendos në krye të saj diskutimet jashtë rendit të ditës. Kërkesa e Ramës është aprovuar në mënyrë verbale nga kreu i Kuvendit Meta, ndërkohë që rregullorja e parlamentit kohën për diskutimin e lirë 60 minutësh e ka të vendosur në fund të seancës.

Kësisoj kjo kërkesë e kreut të ekzekutivit mund të cilësohet edhe si një ndryshim i rregullores së Kuvendit pasi në të janë të përcaktuar qartë sesi procedohet gjatë seancave plenare. Kërkesa e Ramës u bë për shkak se opozita përgjithësisht në 2 orëshin e parë të seancave plenare merret me çështje që nuk kanë lidhje me rendin e ditës dhe për këtë, ai mund t’i lejoj deputetët opozitarë që të shprehen për çdo pakënaqësi që në hapje të seancës plenare.

Qëndrimi
Kryeministri Edi Rama ka deklaruar nga foltorja e Kuvendit se që nga ardhja e të majtëve në pushtet, taksat janë ulur për 97% të shqiptarëve dhe këtë e dëshmon besimi që FMN dhe Banka Botërore pati me miratimin e huas për qeverinë. Sipas kreut të mazhorancës, opozita e sotme është përgjegjëse për gjendjen në të cilën ndodhet ekonomia dhe tentativa që ata deshën për të budallepsur popullin në 23 qershor mori përgjigjën e merituar.

“E habitshme sesi pretendohet se të ardhurat nuk janë rritur dhe e habitshme sesi njerëz që kanë qenë në krye të financave, flasin këtu dhe ngrejnë pretendime. Kjo parti që në 23 qershor mendoi se populli mund të trajtohej si budalla dhe rruga e vetme është budallallepsja e tij, mori një mesazh shumë të qartë. Të ardhurat janë rritur dhe kjo është 150 milionë dollarë. Si mundet FMN dhe BB të na japë ne huanë nëse performanca jonë do ishte kjo që pretendohet nga opozita.

Si mundet që FMN dhe BB ta konsiderojë këtë si një marrëdhënie ku do ishim në ato kushte ku nuk kemi realizuar të ardhura.”-ka thënë Rama. Sipas tij, opozita do bënte mirë të pyeste vetë shqiptarët për ndikimin e taksave të reja në jetën e tyre dhe të mos merrej me hamendësime dhe njerëz që rrinë në oborrin e SHQUPI-t. “Konsumi i shtresës së mesme dhe të ulët është rritur. Si mund të rritet konsumi nëse nuk ka fuqi blerëse? Kreditë e këqija i latë në gjendje jashtëzakonisht alarmante.

Është e kotë të diskutoni shifrën që ne kemi deklaruar për 720 milionë dollarë borxh i akumuluar dhe i fshehur për shkak të gërshërëve dhe shiritave dhe i fshehur, për shkak të politikës që e çoi qeverisjen tonë në atë derexhe që e çuat dhe ndaj e morët atë përgjigje më 23 qershor.”, -ka thënë kryeministri Rama. Duke i rikujtuar edhe një herë marrëveshjen e lidhur me FMN-në, Rama është shprehur se miratimi i asaj huaje është dëshmia më e qartë se të dhënat që ne paraqesim për rritjen ekonomike janë tërësisht të vërteta.

Shkrimi u publikua sot (11.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kompleksi i 29 Nëntorit është më i madh tek e majta

Kompleksi i 29 Nëntorit është më i madh tek e majta

29 Nëntor, 19:14 nga Ben Andoni