'Dëgjoni Monikën në TV dhe bëheni gaz i botës', Kryemadhi i përgjigjet Veliajt: As ndihmën ekonomike nuk miraton dot pa Këshillin Bashkiak, për inceneratorët vendose vetëm

Kryetarja e LSI-së, Monika Kryemadhi ka sulmuar Komisionin Hetimor të Inceneratorëve. Me një postim në Facebook, Kyemadhi shkruan Komisioni Hetimo sot u kthye në një seancë amnistuese për Erion Veliajn dhe se seanca përfundoi me shpëtimin e Alqi Bllakos. Kryetarja e LSI-së ka publikuar disa tabela ku, duke akuzuar se babai i Bllakos ka përfituar një pjesë të fitimit të inceneratërve, si i punësuar nga inceneratori i Tiranës

"Komisioni hetimor ditën e sotme, nisi si një seancë amnistuese për Erion Veliaj dhe përfundoi me shpëtimin e deputetit të PS Bllako nga përgjigjet publike për rolin e tij në aferën e inceneratorëve. Shikoni tabelën që tregon si babai i deputetit Bllako ka përfituar një pjesë të fitimit nga inceneratorët, si pagë për babain e tij, direkt i punësuar nga inceneratori i Tiranës. Pagë plot 10 milionë lekë në muaj për 16 muaj. Ky fakt dhe shumë fakte të tjera financiare tronditëse, i kemi vendosur në dispozicion të SPAK për hetimet e tij. Fakte të tjera tronditëse mund të dalin në dritë. Nesër ndiqni filmin e radhës në Komision, ndërsa prova e vërtetë e integritetit qëndron tek prokurorët e SPAK dhe drejtësia e re. A do të funksionojë ligji kundër pushtetarëve që kërcënojnë qytetarët duke pretenduar se kanë kontrollin e SPAK? 2022 duhet të jetë viti i drejtësisë së vërtetë! Kjo është pritshmëria e çdo shqiptari", shkruan Kryemadhi.

Tabela e postuar nga Kryemadhi