POP 5

Lajmet më të lexuara të 5 minutave të fundit

Kronikë

Degradimi i rrugës së Torovicës, turisti zviceran: Do lutem në Jeruzalem për Shqipërinë

Aksi rrugor në Torovicë të Lezhës ka degraduar plotësisht, duke u bërë problem i përditshmën jo vetëm për banorët e zonës, por edhe për turistët e huaj.

Aksi rrugor në Torovicë të Lezhës ka degraduar plotësisht, duke u bërë problem i përditshmën jo vetëm për banorët e zonës, por edhe për turistët e huaj.

Të gjendur të braktisur nga pushteti vendor dhe ai qendror, banorët kanë nisur të shesin shtëpitë dhe të largohen nga fshati, që dikur furnizonte të gjithë Shqipërinë me shalqi.

Por, më shumë këtë izolim të fshatit e vuajnë të rinjtë, të cilët shprehën se kanë firmosur disa herë peticione, por kërkesat e tyre nuk kanë gjetur zgjidhje. 

Një udhëtim i lodhshëm rruga rezulton edhe për të huajt. 63-vjeçari zviceran Giani Pietro, një pelegrin i nisur për në Jerusalem, që shmangu autostradën Lezhë-Shkodër për t’i rënë më shkurt në udhëtimin e tij me biçikletë, tregon se rruga përmes Torovicës i mori më shumë kohë.

Vij nga Zvicra, po kryej një pelegrinazh për në Jerusalem. Sot unë mora një rrugë që mendoja se do ishte pa trafik, por doli që ishte e tmerrshme, shumë e tmerrshme. Mua personalisht nuk më bën asgjë, pasi kam bërë deri më tani 1800 km nga Zvicra deri këtu dhe më mbesin akoma edhe 1800 km për të mbërritur deri në Jerusalem dhe kur mendoja se po avancoja e kuptova se sot nuk mund të avancoj me këtë rrugë. Kur të mbërrij, një lutje do jetë edhe për këtë rrugë. Shpresoj që Shqipëria të bëhet më mirë financiarisht dhe t’u mundësojë qytetarëve të vet ndërtimin e rrugëve që të mos u prishen gjithë makinat.

Turisti zviceran, Giani Pietro

Bashkia e Lezhës bën me dije se projektin e rrugës së Torovicës, e ka prioritet të parë për financim, por që qeveria nuk e ka konfirmuar ende. Së fundi banorët kanë nisur mbledhjen e firmave për t’i dërguar peticionin e radhës qeverisë për të ndërhyrë në rrugë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu