Deklarata e FRPD, i përgjigjet bashkia Korçë: Po legjitimoni dhunën në protestë! Kërkoni të fitoni pikë për pushtet duke shfrytëzuar dhimbjen e njerëzve (VIDEO)

Pas deklaratës së bërë nga FRPD në Korçë ka reaguar edhe Bashkia e Korçës. Në deklaratën e saj të bërë nga zëdhënësja Larisa Katundi, bashkia thotë se PD ka legjitimuar dhunën e ushtruar në protestë.

Sipas bashkisë Korçë protesta është një e drejtë në demokraci por të protestosh nuk do të thotë të djegësh, të thyesh apo të dëmtosh institucionet publike. Sipas saj, dhuna e ushtruar ditën e djeshme në Korçë mbushi lajmet dhe kronikat që paraqitën dhunën përpara bashkisë. Nuk është hera e parë që duke shfrytëzuar dhimbjen e njerëzve, sipas Bashkisë, PD kërkon të fitojë pikë për të marrë pushtetin e dëshiruar prej saj.

"Bashkia Korçë i bashkohet dhimbjes së familjes Rasha për humbjen e Klodjanit duke besuar se drejtësia do të thotë shpejt fjalën e saj. Protesta është një e drejtë në demokraci por të protestosh nuk do të thotë të djegësh, të thyesh apo të dëmtosh institucionet publike. Protesta paqësore u zhvilluan në shumë qytete të Shqipërisë por dhuna e ushtruar ditën e djeshme në Korçë nuk duhet të ishte qyteti që mbushi lajmet dhe kronikat që paraqitën dhunën përpara bashkisë. Me deklaratën e sotme, dega e PD-së në Korçë legjitimoi aktet e dhunshme të një grushti njerëzish të cilët dje pasdite kanë përdhosur imazhin e Korçës.

LEXO EDHE:
FNSH dhe policia kontrolle blic në Fushë Krujë (Video)

Nuk është hera e parë që duke shfrytëzuar dhimbjen e njerëzve, PD kërkon të fitojë pikë për të marrë pushtetin e dëshiruar prej saj. Ata që nuk kanë ndërtuar asgjë në këtë qytet por vetëm kanë shkelur dhe shkatërruar dalin sot në deklarata dhe duartrokasin aktin e turpshëm të një grushti njerëzish që nuk kanë asnjë lidhje me kulturën e korçarëve. Ky qëndrim është në minorancë dhe nuk përfaqëson qëndrimin e Korçës", tha zëdhënësja Larisa Katundi.

Lajmi kryesor:

Protesta për vrasjen e Klodjan Rashës, FRPD Korçë akuza policisë: Janë vënë nën hetim padrejtësisht 9 persona! Bashkia: Po legjitimoni dhunën, shfrytëzoni dhimbjen për pushtet

TAG:
• Korce
• policia
• bashkia korce
• Protesta
• FRPD
• te arrestuar
• vrasja e klodjan rashes
• Klodjan Rasha