Protesta për vrasjen e Klodjan Rashës, FRPD Korçë akuza policisë: Janë vënë nën hetim padrejtësisht 9 persona! Bashkia: Po legjitimoni dhunën, shfrytëzoni dhimbjen për pushtet

FRPD Korçë ka hedhur akuza kundrejt policisë lidhur me arrestimet dhe procedimet penale që janë bërë ndaj protestuesve, për vrasjen e 25 vjeçarit Klodjan Rasha.

Sipas denoncimit të FRPD Korçë, të bërë nga Bravaldi Xhafka, veprimet janë të paligjshme, abuzive dhe në shpërdorim flagrant të detyrës të strukturave të policisë të Komisariatit të Korçës. Më tej thotë se janë proceduar dhe gjobitur padrejtësisht edhe të rinjtë e Forumit Rinor të Partisë Demokratike të Korçës.

"Kemi dalë sot në këtë komunikim me mediat dhe publikun, për të denoncuar me forcë, veprimet e paligjshme, abuzive dhe në shpërdorim flagrant të detyrës të strukturave të policisë të Komisariatit të Korçës,të cilët dje proçeduan dhe gjobitën të rinjtë e Forumit Rinor tê Partisë Demokratike të Korçës,të cilët protestuan si qyetarë të lirë,të një vendi,ku liritë e shtetasve duhet të jenë të garantuara dhe mbrojtura. FRPD nuk ka lidhje me asnjëakt dhune dhe dëmtim të pasurisë publike,për të cilat,pas policisë politike,ngriti akuza edhe bashkia e zhytur në korrupsion dhe abuzime.

LEXO EDHE:
Të shtëna me armë 'Shotgun' në Durrës, s'ka të lënduar! Shkak sherri mes dy personave të dehur në lokal, Policia shoqëron autorin (VIDEO)

Pa diskutim,në një shtet ligjor dhe të së drejtës, ështe detyrë e policisë dhe organeve tê tjera ligjzbatuese, të bëjë hetime të plota dhe të pavarura, për të identifikuar pergjegjesit e një mali veprash penale, me të cilat ngarkoi grupin e të rinjve, që manifestuan qytetarisht në emër dhe mbrojtje të jetës. Në asnjë rast dhe për asnjë arsye, organet e ngarkuara për zbatimin e ligjit, nuk duhet te godasin politikisht dhe të veprojnë si militantë partiakë, siç ndodhi në fakt dje me të rinjtë  e forumit rinor, që protestuan paqesisht me qirinj në duar, për vrasjen e bashkëmoshatarit të tyre", thotë FRPD Korçë.

Sipas tyre janë proceduar 9 persona në Korçë, mes të cilëve edhe drejtues të FRPD. Këtu Xhafka shton se ata janë proceduar pa të drejtë, për vepra penale që nuk i kanë kryer.

"Komisariati i Korçës,me urdhëra të mirëfillta politikë, ka  proceduar 9 persona, mes te cileve edhe drejtues te FRPD, për vepra penale që NUK i kane kryer dhe per te cilat, policia gjakësore e Edi Rames, NUK ka asnjë provë. Kjo strukturë policie e inkriminuar dhe politizuar deri në palcë,që është bërë një me krimin e organizuar, nuk u mjaftua me gjobat 50 milionëshe të të rinjve,por ka nisur edhe proçedimin penal,për veprime kurrë të kryera prej tyre. Policia e terrorit dhe dhunës ka  mbajtur të shoqëruar në komisariatin e policise për më shumë se 3 ore grupin e të rinjve,mes të cilëve vajza dhe nëna,vetëm se regjimit nuk i vjen për shtat shpirti i lirë qytetarëve,që u ngritën në një revoltë frymëzuese,kundër vrasësve dhe urdhëruesve të tyre.

Të dashur bashkëqytetarë! Dega e Partisë Demokratike të Korçës dënon veprimet e  oficerêve të policisë,që pranuan të shkelin ligjin,duke proçeduar grupin e qytetarêve që dolën në protestë, Rovena Bendo, Asllan Shaze, Dashamir Begolli, etj që firmosën akte të paligjshme dhe u vunë nën diktatin e shefave të tyre. Per kete dhe çdo abuzim tjetêr me ligjin dhe të drejtat e qytetarêve, ju sigurojme se do te mbani pergjegjesi LIGJORE deri në fund. Ju sigurojme dhe deklarojme publikisht, se tani, askush nuk ka me frike nga presionet dhe diktatura juaj.  Me keto veprime po tregoni qe nuk jeni me uniforma mbrojtese e shtetit por, mercenare te diktatures, qe paguheni me leket e prinderve tane. Koha e frikes ka marre fund. Ky vrull, tashme nuk mund te ndalet", thuhet më tej në deklaratë.

Pas kësaj deklarate të bërë nga FRPD në Korçë ka reaguar edhe Bashkia e Korçës. Në deklaratën e saj të bërë nga zëdhënësja Larisa Katundi, bashkia thotë se PD dhe FRPD kanë legjitimuar dhunën e ushtruar në protestë. Sipas saj protesta është një e drejtë në demokraci por të protestosh nuk do të thotë të djegësh, të thyesh apo të dëmtosh institucionet publike. Po sipas bashkisë, nuk është hera e parë që duke shfrytëzuar dhimbjen e njerëzve, PD kërkon të fitojë pikë për të marrë pushtetin e dëshiruar prej saj.

Në qytetin e Korçës janë vendosur nën hetim 9 persona për shkak se kanë organizuar protestë në kundërshtim të masave antiCOVID si dhe për prishjen e pronës publike. Kurse nga protestat e dhunshme që përfshinë Tiranën ditën e djeshme për vrasjen e Klodjanit, policia ka arrestuar 59 persona ndërsa nën hetim janë 116 protestues të tjerë.

Rendit zhvillimet sipas orarit:

Të Fundit Të Parat

/b.ha./Shqiptarja.com

TAG:
• Korce
• policia
• bashkia korce
• Protesta
• FRPD
• te arrestuar
• vrasja e klodjan rashes
• Klodjan Rasha