Deklarata e Vuçiç për mosnjohjen e Kosovës, ja si përgjigjet Rama

 

“Kurrë mos thuaj kurrë”, ka qenë pak a shumë komenti që ka dhënë kryeministri Rama për deklaratat e ashpra të Presidentit serb, Vuçiç për mosnjohjen e Kosovës.

“E di sa njerëz kanë thënë që derisa të vdes nuk do bëj këtë e nuk do bëj këtë apo jo?

LEXO EDHE:
Kurti: T’i jepet fund epokës së mosndëshkimit të krimeve të Serbisë

1000 herë të kthehesha, 1000 herë do e jepja nga e para. Pse mi bëni këto pyetje, a nuk do ishte më mirë për të qenë një lider më i moderuar në Serbi? Po mo patjetër? Bëjmë dot një strategji të tillë, s’bëhet me dëshira këto punë. Paqja nuk bëhet për interesin e Serbisë, por për interesin e Shqiptarëve. Procesi i normalizimit me Serbinë, për mua është strategjik nuk është për Serbinë. Ata kanë interesat e veta.”- tha Rama.

Presidenti serb u prononcua për mediat të dielën e zezë të 24 shtatorit ku tha se edhe nëse do të vritet çdo serb, nuk do e njohin kurrë pavarësinë e Kosovës.

“Dyfytyrësia është emri i tyre  (i ndërkombëtarëve)  i mesëm. Gjatë gjithë kësaj kohe kanë kërkuar të fajësojnë Serbinë për të njohur Kosovën. Kurrë nuk do ta njohim Kosovën e pavarur, mund të na vrisni të gjithëve, kurrë Serbia nuk do ta njohim Kosovën e pavarur. Një krijesë që e krijuat duke bombarduar Serbinë. Për të biseduar, do të bisedojmë. Por njohja e Kosovës të harrohet.”- tha Vuçiç më 24 shtator.

Lajmi kryesor:

Vrasja e policit në Kosovë, Rama: Serbia përgjegjëse, BE të dënojë shpalljen e zisë për terroristët, s'nevojitet hetim! KFOR të marrë në kontroll veriun

G.MO/KT/Shqiptarja.com

TAG:
• kosove
• edi rama
• vritet polici ne kosove
• BE