POP 5

Lajmet më të lexuara të 5 minutave të fundit

Deklasifikohen 48 mijë dosje sekrete të Enver Hoxhës dhe Hysni Kapos

Drejtoria e Përgjithshme e Arkivave njofton se ka përfunduar tërësisht procesi i deklasifikimit të dokumenteve që kanë qenë sekret deri më sot. Sipas njoftimit të Arkivave janë 48 mijë dosje dhe 600 mijë dokumente nga viti 1945-1993 që mund të aksesohen lirisht, mes tyre të Enver Hoxhës dhe Hysni Kapos.

“Prej ditës së sotme do të mundet të aksesohen lirisht më shumë se 48 mijë dosje dhe 600 mijë dokumente nga viti 1945-1993 ,nga fondet e Presidiumit të Kuvendit Popullor, Kryeministrisë, fondet personale të Enver Hoxhës dhe Hysni Kapos. Fondet e ish-arkivit të partisë, fondet e ministrive, të Prokurorisë së Përgjithshme, Gjykatës së Lartë dhe të organeve të tjera qendrore.

Proçedura e deklasifikimit e ndjekur me rigorozitet siguron që dokumentet që kishin mbetur të deklasifikuara prej kohësh pa asnjë arsye reale, por vetëm sepse nuk ishte ndjekur proçedura e nevojshme burokratike, do të jenë të aksesueshme për të gjithë studiuesit e vendit. Drejtoria e Përgjithshme e Arkivave siguron edhe njëherë studiuesit se do të gjejnë një shërbim të shpejtë e cilësor në sallën e re të studimit në AQSH” thuhet në njoftim.

d.ba./b.ha.
Komento