POP 5

Lajmet më të lexuara të 5 minutave të fundit

Kronikë

Dekori, Basha heq "shkumën e
rrojes", PS: Duam transparencë

Këtë 100-vjetor të Pavarësisë, bashkia e Tiranës do të harxhojë shuma marramendëse për dekorin. 50 milionëve lekë të reja që do të dalin buxheti i bashkisë, do i shtohen edhe 16 milionë lekë të reja të akorduara nga qeveria. Këshilltarët socialistë i kërkojnë transparencë bashkisë si do të përdoren këto lekë dhe kush është firma që e ka fituar tenderin.
SONDAZH / Ju pëlqejnë zbukurimet e Bashkisë së Tiranës për 100-vjetorin e Pavarësisë?
Dekori, Basha heq rrojes", PS: Duam transparencë">
TIRANE - Kreu i bashkisë së Tiranës Lulzim Basha nuk lejon askënd që t'i "shajë" dekorin e kryeqytetit. Me sa duket, i prekur nga akuzat që rreth dy javë më parë i bëri kryesocialisti Edi Rama, se Pallati i Kulturës ishte dekoruar "si qendër tregtare që reklamon shkumë rroje", kryebashkiaku Basha ka vendosur ta ndryshojë atë. Kështu, gjatë paradites së djeshme, logoja e madhe e 100-vjetorit të Pavarësisë, që zinte të gjithë fasadën e Pallatit të Kulturës, është hequr dhe në vend të saj është vendosur, në një kolonë, një flamur i madh në gjithë gjatësinë e saj, dhe në tjetrën, logoja e pavarësisë.

Ndërkohë që ka nisur të dekorohet thuajse i gjithë kryeqyteti. Por ndonëse në sheshin "Skënderbej", ka filluar e merr trajtë atmosfera e festës së 100-vjetorit, në bulevardin kryesor "Dëshmorët e Kombit" dhe në të gjitha akset e tjera ku është premtuar dekorim gjigant, deri më tani janë mjaftuar vetëm me disa shtylla, që janë veshur me një ngjitëse kuq e zi. Këshilltarët socialistë shprehen të pakënaqur, jo vetëm më mënyrën se si po ecën ky proces, por edhe me faktin se bashkia e Tiranës, nuk pranon të bëjë transparente se si do të shpenzohen 66 milionë lekët e reja që ka në dispozicion për dekorin.

 "Siç e keni vënë re deri më tani, i vetmi dekor që ka bërë bashkia, janë disa shtylla të veshura me një shirit kuq e zi. Ne nuk e dimë se çfarë ka ndërmend të bëjë bashkia, pasi ajo po e bën çdo gjë në mënyrë misterioze dhe nuk tregon asgjë. Ne si këshilltarë socialistë kërkojmë transparencë të plotë për dekorimin e Tiranës: Çfarë do të bëjë konkretisht bashkia, si do të shpenzohen këto miliona lekë dhe çfarë është më e rëndësishmja, kush është firma që i është besuar dekori i Tiranës, kur u shpall tenderi dhe a janë respektuar afatet për të pasur një garë të ndershme midis të gjithë kompanive të interesuara. Për të gjitha këto ne do të ngremë fort zërin edhe në mbledhjen e këshillit bashkiak që është me datë 20 nëntor", - na thotë Florian Pullazi, këshilltar i majtë në bashkinë e Tiranës.

SI DO DEKOROHET
Sipas relacionit që shoqëron vendimin për shtesën e fondit prej 16 milionë lekëve të reja për dekorin e Tiranës, dhënë nga qeveria, thuhet se përtej dekorimit me shirita ceremoniale me ngjyrat dhe logon e flamurit kombëtarë në bulevardin "Dëshmorët e Kombit", bulevardin "Zogu i Parë" si dhe në Rrugën e Durrësit dhe në rrugën e Elbasanit, gjithashtu do të dekorohen me flamuj ceremonialë rrugët, akset kryesore të qytetit dhe institucionet: nga Rruga e Kavajës, kryqëzimi i sheshit "Willson", tek kryqëzimi tek "Zogu i Zi", tek kryqëzimi "21 Dhjetori", kryqëzimi tek "Brryli", kryqëzimi tek "Vasil Shanto", tek pallati me shigjeta, Teatri Kombëtar i Operas dhe Baletit, Universiteti Politeknik i Tiranës, ministritë kryesore etj.

PYETJE-PERGJIGJE
Ç'ndodhi një vit më parë me dekorin e Tiranës?
Një vit më parë gazeta "Shqiptarja.com" denoncoi skandalin e dekorit të Tiranës për festat e nëntorit dhe të vitit të ri, pasi dekori iu besua një firmë të re, të sapo krijuar.
Kujt i përkiste kjo firmë?
Bëhej fjalë për "Orange Adversting", me pronarë me 80% të aksioneve Dionis Teqen, biznesmen i njohur në Tiranë që ka lidhje të ngushtë me kunatin e kreut të bashkisë së kryeqytetit, Erion Isufaj dhe 20 % të tjera zotëroheshin nga Odeta Malaj, vajza që i organizoi fushatën elektorale të Bashës për zgjedhjet e 2011. 
A ishte ndjekur rruga e duhur për shpalljen e fituesit?
Këtu lindën edhe dyshimet pasi nuk u bë publike asnjëherë as data e hapjes së tenderit, as firmat që morën pjesë në garë dhe as shuma që ishte vënë në dispozicion për dekorin. Ndërsa dyshohet se edhe këtë vit, 66 milionët e dekorit do i jepen së njëjtës kompani.

RAMA
edi ramaNë faqen e tij në Twitter kreu i socialistëve, Edi Rama, publikoi një foto të dekorit të Tiranës dhe shkruajti: "Pallati i Kulturës dekorohet për 100 vjetorin si të qe Qendër Tregtare që reklamon shkumë rroje me çmim të leverdisshëm".








BASHA
lulzim bashaI menjëhershëm ka qenë reagimi i bashkisë duke deklaruar: "Përshëndesim pasionin e papritur të zotit Rama për dekorin e Bashkisë. Edhe pse gjatë 11 vjetëve nuk e dekoroi asnjëherë Tiranën për Festën e Flamurit, më mirë vonë sesa kurrë".








Shkrimi u botua në numrin e sotëm të së përditshmes SHQIPTARJA.com (E Dielë, 18 Nëntor)

(Gre.M/Shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

26 Nëntor, 22:57