Dekriminalizimi/ Bllofi i PD-së
asnjë deputet jashtë Kuvendit

Kauza dy vjeçare e opozitës shqiptare për dekriminalizimin e politikës dhe shtetit shqiptar ka përfunduar dje në një flluskë sapuni. Ligji për dekriminalizimin, i konsideruar si më ashpri në Evropë, nuk ka prodhuar asgjë. Pretendimet për 19 deputetë të inkriminuar, pritshmëritë, përbetimet dhe zhurma dyvjeçare, rezultojnë një blof, ndoshta më i madhi në historinë e pluralizmit shqiptar. Zbatimi i ligjit të dekriminalizimit dhe i akteve nënligjore të tij, nuk prek qoftë edhe një anëtar të Kuvendit të Shqipërisë.

Dhe pesha e mosbesimit dhe përgjegjësisë politike bie pikërisht mbi Partinë Demokratike dhe drejtuesit e saj, të cilët kanë marrë me krenari autorësinë dhe vulën e këtij ligji. Nga këqyrja e formularëve, një numër deputetësh rezultojnë të hetuar, të arrestuar për prostitucion dhe të dënuar për vepra të ndryshme penale. Por, asnjë deputet nuk është subjekt i veprimit të ligjit për dekriminalizimin. Me fjalë të tjera, asnjë deputet nuk humbet mandatin dhe nuk përjashtohet nga Parlamenti, për shkak të parashikimeve të ligjit të dekriminalizimit. Asnjë deputet nuk ndalohet të jetë pjesë e listave për zgjedhjet e 2017. Gjithçka është si më parë.
 

TAG:
• OSBE