Ndërsa PS e ka faktuar me dokumente nga autoritetet italiane që kandidati i saj për Krujën Artur Bushi është i pafajshëm, kandidati i PD për Lezhën, Fran Frrokaj është vendosur nën akuzë para disa ditësh nga Prokuroria shqiptare për abuzim me lejet e ndërtimit.
Kryetari aktual i Shënkollit, Fran Frrokaj dhe dy punonjësit e urbanistikës Lindita Cane dhe Petrit Picaku, akuzohen se kanë dhënë leje ndërtimi duke shkelur ligjin.
Prokuroria e Lezhës ka nisur më 9 prill procedimin penal për shpërdorim detyre për Fran Frrokaj, me detyrë Kryetar i Komunës Shënkoll, Lindita Canen, me detyrë Përgjegjëse e Seksionit të Urbanistikës dhe Petrit Picakun, me detyrë Përgjegjës i Inspektoriatit Urbanistik Vendor në Komunë.
Ata dyshohet se kanë shkelur procedurat për pajisjen me leje ndërtimi (rikonstruksion çatie) dhe lejimin e ndërtimit të një objekti ndërtimi 3-katësh, në pronësi të një banori në Shënkoll.
Redaksia Online
(a.h/shqiptarja.com)