Dekriminalizimi, Vasili: S'kemi asnjë
kundërshtim, marrëveshja zbatohet

Mazhoranca i është përgjigjur akuzave të opozitës sa i përket ngritjes së  Komisionit të posaçëm për dekriminalizimin e Kuvendit. Kreu i Grupit Parlamentar të LSI-së, Petrit Vasili tha se nuk ka asnjë tërheqje të shumicës për të vijuar me ngritjen e këtij  komisioni, dhe do të zbatohet marrëveshja e arritur mes palëve në muajin dhjetor.
 
Vasili tha se sapo të gjenden modalitetet e duhura, shumica do tregojë vullnetin e saj për të gjetur një zgjidhe që shkon përtej mazhorancës dhe opozitës.
 
“Nëpërmjet rezolutës ne shprehëm vullnetin dhe gatishmërinë, presim qartësimin emodaliteteve. Është një moment i përshtatshëm, nuk ka pasur asnjë kundërshti, është çështje e bërë publike për të cilën ne kemi shprehur vullnetin tonë politik. Sa të vihen në lëvizje instrumentet e nevojshëm do nisë puna, nuk gjej arsye për ngut dhe polemika”, deklaroi Vasili.



Redaksia Online
(g.f/Shqiptarja.com)