Del Bosque: Ndarja e Katalunjës do
të jetë një fatkeqësi për "La Liga"

Vicente Del Bosque, trajneri spanjoll që aktualisht është në pension, ka shprehur se një ndarjeje Katalunjës do të ishte një fatkeqësi edhe për La Liga-n.
 
Deklarata e teknikut që dikur ishte në krye të kombëtares spanjolle ka ardhur gjatë një interviste për radion katalanase, "RAC1".
 
"Një Katalunjë e ndarë do të ishte një fatkeqësi për ligën spanjolle të futbollit. E dobëson La Liga-n", ka thënë 66-vjeçari, kur është pyetur për një ndarje të mundshme të Kataalunjës.
 
"Nuk është një temë që unë mund të bëj koment, por ndarja e katalanasve nuk më pëlqen. Gjatë drejtimit të kombëtares nuk i kam kufizuar askujt liritë", ka shtuar tekniku spanjoll.
 
Ish- kreu i kombëtares spanjolle ka zbuluar se rikthmi i tij në rolin e trajnerit është diçka që nuk ka për të ndodhur, pasi ka arritur gjithçka që ka patur si synim në karrierën e tij.
 
Redaksia Online
D.T/Shqiptarja.com